Geyser Precautions: గీజర్ ఇప్పుడు దాదాపు అందరి ఇళ్లలో ఉంటోంది. అదే సమయంలో గీజర్ ప్రమాదాలు కూడా ఎక్కువగానే జరుగుతున్నాయి. చలికాలంలో గీజర్ వినియోగం ఎక్కువగా ఉండటం వల్ల పేలిపోవడం, ప్రమాదాలు తరచూ ఉంటున్నాయి. ఈ ప్రమాదాల నుంచి బయటపడేందుకు ఏం చేయాలో తెలుసుకుందాం. గీజర్ విషయంలో పొరపాటున కూడా ఈ పొరపాట్లు చేయకూడదు
చలికాలంలో గీజర్ వినియోగం చాలా ఎక్కువగా ఉంటుంది. అదే సమయంలో ఏ చిన్న తప్పిదం లేక పొరపాటు జరిగినా భారీ మూల్యం చెల్లించుకోవల్సిన పరిస్థితి ఉంటుంది. అందుకే గీజర్ వినియోగించేటప్పుడు కొన్ని జాగ్రత్తలు తప్పకుండా తీసుకోవాలి
చాలా మంది గీజర్ వినియోగించేటప్పుడు స్విచ్ ఆఫ్ చేయడం మర్చిపోతుంటారు. లేదా నిర్లక్ష్యంగా ఉంటారు. గీజర్ అదే పనిగా ఆన్‌లో ఉంటే ఎలక్ట్రిసిటీ బిల్లు అథికంగా రావడం సంగతేమో గానీ గీజర్ డ్యామేజ్ అవుతుంది. ఒక్కోసారి పేలిపోతుంది
కొత్త గీజర్ కొన్నప్పుడు మీరే స్వయంగా ఇన్‌స్టాల్ చేసే ఆలోచనలో ఉంటే వెంటనే స్వస్తి చెప్పండి. లేకపోతే ఇబ్బందుల్లో పడతారు. గీజర్ ఇన్‌స్టాల్లేషన్ ఎప్పుడూ నిపుణుడితోనే చేయించుకోవాలి.
గీజర్ వినియోగించేటప్పుడు ఎప్పటికప్పుడు వైరింగ్ చెక్ చేస్తుండాలి. స్పార్కింగ్ వస్తుందేమో చెక్ చేసుకోవాలి. లేకపోతే గీజర్ పాడైపోతుంది. పేలిపోయే పరిస్థితి ఉంటుంది. మరీ ముఖ్యంగా చలికాలం ప్రారంభమయ్యేటప్పుడు ఓసారి సర్వీసింగ్ చేయిస్తే మంచిది
గీజర్ ఎలిమెంట్ పాడయితే రిపేర్ చేయించే కంటే కొత్త గీజర్ కొనుగోలు చేయడం మంచిది. గీజర్ ఎలిమెంట్ మరమ్మత్తు మంచిది కాదు. చలికాలంలో ఎక్కువగా ఉపయోగించడం వల్ల రిస్క్ తీసుకోకూడదు
చాలామంది విద్యుత్ బిల్లు తగ్గించే క్రమంలో గ్యాస్ గీజర్ వాడుతుంటారు. కానీ ఇది చాలా ప్రమాదకరం. గ్యాస్ గీజర్ పేలిపోయే ఘటనలు ఈ మధ్యకాలంలో ఎక్కువగా ఉంటున్నాయి. అందుకే వీటికి దూరంగా ఉండండి
