Mushroom Health Benefits: పుట్టగొడుగులు బెస్ట్ ప్రొటీన్ ఫుడ్. శాఖాహారులు ఇష్టంగా తింటారు. మష్రూమ్స్ ను ఎన్నో ఏండ్లుగా ఆహారంలోనూ..ఔషధాల్లోనూ ఉపయోగిస్తున్నారు. మన డైట్లో పుట్టగొడుగులు చేర్చుకుంటే ఆరోగ్యానికి ఎంతో మేలు జరుగుతుందని హెల్త్ ఎక్స్ పర్ట్స్ చెబుతున్నారు. పుట్టగొడుగులు తింటే ఎలాంటి ఆరోగ్య ప్రయోజనాలు పొందవచ్చో తెలుసుకుందామా?
Mushroom Health Benefits: పుట్టగొడుగులు, మష్రూమ్స్ రెండూ ఒక్కటే. శాఖాహారులు ఇష్టపడే మాంసాహారం అని చెప్పవచ్చు. ఎందుకంటే వీటిలో మాంసాహారంలో లభించే ప్రొటీన్లన్నీ లభిస్తాయి. అందుకే దీనిని సూపర్ ఫుడ్ అంటారు. ఎన్నో ఏండ్లుగా మష్రూమ్స్ ను ఆహారంలోనూ, ఔషధాల్లోనూ ఉపయోగిస్తున్నారు. అంతేకాదు వీటిని రెగ్యులర్ గా డైట్లో చేర్చుకుంటే ఎన్నో ఆరోగ్య ప్రయోజనాలను పొందవచ్చు. ఇక పుట్టగొడుగుల్లో విటమిన్స్, యాంటీఆక్సిడెంట్లు, యాంటీ ఇన్ ఫ్లమేటరీ గుణాలు ఉన్నాయి. ఇవి శరీరంలో ఇమ్యూనిటీని పెంచుతాయి. తద్వారా క్యాన్సర్ వంటి రోగాలు దరిచేరకుండా కాపాడుతాయి. మష్రూమ్స్ ను మన ఆహారంలో చేర్చుకుంటే ఎలాంటి హెల్త్ బెనిఫిట్స్ పొందవచ్చో చూద్దాం.
మెదడు ఆరోగ్యానికి: పుట్టగొడుగులు రుచికరమైన, పోషకమైన శిలీంద్రాలు. వీటిని శాఖాహారులు ఇష్టంగా తింటుంటారు. నిత్యం ఆహారంలో పుట్టగొడుగులు చేర్చుకుంటే మెదడు ఆరోగ్యానికి మేలు చేస్తుందని నిపుణులు చెబుతున్నారు.
పోషకాలు: పుట్టగొడుగుల్లో యాంటీ ఆక్సిడెంట్లు, ప్రొటీన్లు, డైటరీ ఫైబర్, విటమిన్లు, మినరల్స్ పుష్కలంగా ఉంటాయి. వీటిని మీ ఆహారంలో చేర్చుకుంటే ఈ పోషకాలన్నీ అందుతాయి.
జ్నాపకశక్తి: కొత్త అధ్యయనం ప్రకారం బలహీనమైన జ్నాపకశక్తి, భాష సమస్యలు, అభిజ్నా బలహీనత వంటి సమస్యలను తగ్గించడంలో ఎంతగానో సహాయం చేస్తాయి.
గట్ ఆరోగ్యానికి : పుట్టగొడుగులు గట్ ఆరోగ్యాన్ని మెరుగుపరుస్తాయి. ప్రేగులలో మంచి బ్యాక్టీరియాను ప్రోత్సహిస్తుంది. ఈ బ్యాక్టీరియా నరాల మధ్య సందేశాలను ప్రసారం చేసే న్యూరోట్రాన్స్మిటర్ల ఉత్పత్తికి సహాయపడతాయి.
అల్జీమర్స్ వ్యాధి: లయన్స్ మేన్ మష్రూమ్..ఒక రకమైన పుట్టుగొడుగు. ఇది నరాల కణజాలాల ఉత్పత్తిని రక్షించడానికి ఎంతగానో ఉపయోగపడుతుంది. అల్జీమర్స్ వ్యాధి, మొద్దుబారిన మెదడు, వయస్సు సంబంధిత మానసిక రుగ్మతల నుంచి కాపాడుతుంది.
క్యాన్సర్: మష్రూమ్స్ లో ఉండే లినోలిక్ యాసిడ్ యాంటీ కార్సినోజెనిక్ కాంపౌండ్ గా పనిచేయడంతోపాటు శరీరంలో అధిక ఈస్ట్రోజెన్ స్థాయిలు కలిగి ఉండే హానికరమైన ప్రభావాలను తొలగించేస్తుంది. రొమ్ము క్యాన్సర్ నుంచి రక్షిస్తుంది.
అందం: పుట్టగొడుగులు బ్యూటీ ప్రొడక్టులలోకూడా ఉపయోగిస్తుంటారు. వీటిని మన డైట్లో చేర్చుకుంటే చర్మం ముడతలు తగ్గి, కణాలను పునరుజ్జీవింప చేయడంలోనూ సహాయపడుతుంది.
