Winter Diseases: చలికాలం నడుస్తోంది. సీజన్ మారడంతో ఇమ్యూనిటీ తగ్గి వివిధ రకాల వ్యాధులు చుట్టుముట్టే ప్రమాదముంది. మార్కెట్‌లో విరివిగా లభిస్తున్న ఆరెంజ్ తినడం అలవాటు చేసుకోవల్సిందే. చలికాలంలో ఆరెంజ్ తినడం వల్ల ఆరోగ్యపరంగా చాలా ప్రయోజనాలున్నాయి.
Winter Diseases: ఆరెంజ్‌లో ఉండే వివిధ రకాల పోషకాలు వివిధ రకాల సీజనల్ వ్యాధుల్నించి రక్షణ కల్పిస్తాయి. రోజూ ఆరెంజ్ తినడం వల్ల ఫిట్ అండ్ హెల్తీగా ఉంటారు. ఇందులో పెద్దమొత్తంలో ఉండే విటమిన్ సి కారణంగా ఇమ్యూనిటీ పెరుగుతుంది. చలికాలంలో సహజంగా ఇమ్యూనిటీ తగ్గుతుంటుంది. ఆరెంజ్ తినడం వల్ల ఈ సమస్య ఉండదు.
ఆరెంజ్ క్రమం తప్పకుండా రోజూ తినడం వల్ల జీర్ణక్రియ మెరుగుపడుతుంది. మలబద్ధకం, కడుపు సంబంధిత సమస్యలు దూరమౌతాయి.
ఆరెంజ్ రోజూ తినడం వల్ల పంటికి బలం చేకూరుతుంది. ఇందులో ఉండే విటమిన్ సి ఇందుకు దోహదపడుతుంది. విటమిన్ సి మీ పళ్లను పటిష్టం చేస్తుంది.
వయసు పెరిగే కొద్దీ సాధారణంగా కంటి చూపు తగ్గిపోతుంటుంది. ఈ పరిస్థితుల్లో ఆరెంజ్ డైట్‌లో భాగంగా చేస్తే కంటి చూపు తగ్గే పరిస్థితి తలెత్తదు. కంటి చూపు మెరుగుపడుతుంది కూడా.
ఆరెంజెస్‌లో ఉండే విటమిన్ సి కారణంగా చర్మం హెల్తీగా ఉంటుంది. ఇది తినడం వల్ల చర్మంపై ముడతలు, డార్క్ సర్కిల్స్ దూరమౌతాయి. అందుకే చలికాలంలో క్రమం తప్పకుండా ఆరెంజ్ తినాలి.
ఆరెంజెస్ ఇమ్యూనిటీని పటిష్టం చేస్తాయి. ఎందుకంటే ఇందులో విటమిన్ సి పెద్దమొత్తంలో ఉంటుంది. జ్వరం, జలుబు, దగ్గు వంటి సీజనల్ వ్యాధులు దరిచేరకుండా కాపాడుతుంది. శరీరాన్ని వివిధ రకాల వ్యాధుల్నించి పోరాడే సామర్ధ్యాన్నిస్తుంది.
