Kajal Aggarwal: కాజల్ అగర్వాల్ పెళ్లి తర్వాత అదే దూకుడు కంటిన్యూ చేస్తోంది. పెళ్లై ఓ బిడ్డకు తల్లైన తర్వాత కామ్ ఇంట్లో కూర్చోకుండా వరుస సినిమాలు చేస్తోంది. ఈ కోవలో త్వరలో సత్యభామ సినిమాతో పలకరించబోతుంది. ఈ సినిమాతో పెద్ద హిట్ కొట్టాలనే టార్గెట్ పెట్టుకున్నట్టు తెలుస్తుంది.
కాజల్ అగర్వాల్ హీరోయిన్‌గా ఎంట్రీ ఇచ్చి దాదాపు రెండు దశాబ్దాలువుతోంది. ఇప్పటికీ అదే అందచందాలతో అలరిస్తోంది.
హీరోయిన్ లైఫ్ స్పాన్ మన ఇండస్ట్రీలో తక్కువే కానీ ఏళ్లకు ఏళ్లు ఇండస్ట్రీలో నెగ్గుకు రావడం అంటే మాములు విషయం కాదు.
పెళ్లై ఓ పిల్లాడు పుట్టే వరకు సినిమాలకు దూరంగా ఉన్న .. ఈ టాలీవుడ్ మిత్రవింద ఇపుడు వరుస సినిమాలతో కుమ్మేస్తోంది.
లాస్ట్ ఇయర్ బాలకృష్ణ సరసన 'భగవంత్ కేసరి' మూవీతో మంచి కమ్ బ్యాక్ ఇచ్చింది. ఈ సినిమాతో బాలయ్యతో ఒక్క డ్యూయట్ లేకపోవడం విశేషం.
త్వరలో కాజల్ అగర్వాల్ 'సత్యభామ' సినిమాతో పలకరించనుంది. ఈ సినిమాతో కథానాయికగా భారీ సక్సెస్ అందుకోవాలని చూస్తోంది కాజల్ అగర్వాల్. మరి ఈ సినిమాతో టాలీవుడ్ మిత్రవింద భారీ సక్సెస్ అందుకుంటుందా లేదా చూడాలి.
