Kavya Maran Business: సన్‌రైజర్స్ హైదరాబాద్‌ను ఓడించి.. కోల్‌కతా నైట్‌ రైడర్స్ హైదరాబాద్ ఐపీఎల్ 2024 ఛాంపియన్‌గా నిలిచింది. హైదరాబాద్ ఓడినా.. ఆ టీమ్ సీఈఓ కావ్యమారన్ ఈ సీజన్‌లో టాక్ ఆఫ్ ది టౌన్‌గా మారారు. కావ్య మారన్ ఎవరు..? ఆమె ఆస్తుల విలువ ఎంత..? అని నెట్టింట భారీగా వెతుకుతున్నారు.
ఎస్‌ఆర్‌హెచ్ ఓనర్ కావ్య మారన్ ప్రస్తుతం క్రికెట్ ఫ్యాన్స్‌లో ఫుల్ క్రేజ్ ఉంది. ఆమె ఆస్తుల విలువ బాలీవుడ్ నటుడు షారుక్ ఖాన్ కంటే ఎక్కువనే రూమర్లు వస్తున్నాయి.
కావ్య మారన్ మీడియా దిగ్గజం కళానిధి మారన్ కుమార్తె. ఆయన ప్రముఖ వ్యాపారవేత్త కాగా.. సన్‌రైజర్స్ హైదరాబాద్ టీమ్‌కు సహ యజమానిగా ఉన్నారు.
2018లో ఎస్‌ఆర్‌హెచ్ బాధ్యతలు తీసుకున్న కావ్య పాప.. టీమ్‌లో అన్నీ తానై చూసుకుంటున్నారు. జట్టు ఆడిన ప్రతీ మ్యాచ్‌కు స్టేడియానికి వెళ్లి ఉత్సాహ పరిచారు.
కావ్య మారన్ చెన్నైలోని స్టెల్లా మేరీస్ కాలేజీ నుంచి పట్టభద్రులు అయ్యారు. ఇంగ్లండ్‌లోని వార్విక్ బిజినెస్ స్కూల్‌లో ఎంబీఏ కంప్లీట్ చేశారు.
NPT నివేదిక ప్రకారం.. కావ్య తండ్రి కళానిధి మారన్ నికర విలువ దాదాపు రూ.24 వేల కోట్లుగా ఉంది. ఈ ఆస్తులకు కావ్య మారన్ ఏకైక వారసులు. దీంతో ఈ ఆస్తి మొత్తం ఆమెకే చెందుతుంది.
బాలీవుడ్ సూపర్ స్టార్ షారుఖ్ ఖాన్‌కు నిర్మాణ సంస్థ, VFX స్టూడియోతో ఇతర వ్యాపారాలు ఉన్నాయి. ఆయన నికర సంపద రూ.6 వేల కోట్లుగా ఉంది.
ఈ లెక్కన షారూఖ్ ఖాన్ కంటే ఆస్తిలో కావ్య మారన్ ముందున్నారు. దేశంలోని బిలియనీర్ల జాబితాలో కళానిధి మారన్ 82వ స్థానంలో ఉన్నారు.
