Mrunal Thakur Lucky Bhaskar Review: మళయాలం స్టార్‌ హీరో దుల్కర్ సల్మాన్ నటించిన 'లక్కీ భాస్కర్‌' దీపావళి పండుగకు విడుదలైన సంగతి తెలిసిందే. ఈ సినిమా బాక్సాఫీస్‌ వద్ద కలెక్షన్లు కురిపిస్తోంది. ఈ సినిమాలో దుల్కర్‌కు జోడీగా స్టార్‌ నటి మీనాక్షి చౌదరీ నటించింది. అయితే, 'సీతారామం' బ్యూటీ మృణాల్ ఠాకూర్‌ ఈ సినిమాపై రివ్యూ ఇచ్చింది. ఇది ప్రస్తుతం నెట్టింట వైరల్ అవుతోంది.
ప్రముఖ మళయాల నటుడు దుల్కర్ సల్మాన్ నటించిన మూవీ 'లక్కీ భాస్కర్‌' ఈ సినిమా కేవలం రెండు రోజుల్లోనే 20 కోట్లు బాక్సాఫీస్‌ వద్ద కలెక్షన్లు కురిపించిది. దీపావళి ఎంటర్‌టైనర్‌గా వచ్చిన ఈ మూవీ ఫ్యామిలీకి బాగా సెట్‌ అయ్యే సినిమా అని చెప్పొచ్చు.
దుల్కర్ సల్మాన్ లక్కీ భాస్కర్‌ మూవీపై సహ నటి మృణాల్ ఠాకూర్‌ ఎక్స్‌ వేదికగా కామెంట్‌ చేశారు. 'లక్కీ భాస్కర్‌' మంచి రిఫ్రెషింగ్‌ మూవీ, ఇది ఎప్పటికీ మరచిపోలేని సినిమాగా నిలుస్తుంది. ఈ సినిమాలోని ప్రతి అంశం నాకు చాలా బాగా నచ్చింది అని సీతారామం బ్యూటీ ట్వీట్ చేసింది. అంతేకాదు దుల్కర్, మీనాక్షిలకు ఈ సినిమా బాగా సక్సెస్‌ కావాలని కోరుకుంటున్న అంటూ కాంగ్రాట్యూలేట్‌ కూడా చేసింది.
లక్కీ భాస్కర్‌ మూవీలో ఓ కామన్‌ మెన్‌ ఎలా రిచ్‌ అవుతాడు. అతని భార్య, కొడుకును ఎలా ముందుకు తీసుకు వెళ్తాడు. వారు ఎదుర్కొన్న సమస్యలపై తీశారు. 90 లలోని ఆర్థిక స్థితిగతులు ఎలా ఉండేవి అనే కథతో తీశారు. ఈ సినిమాకు నాగ వంశి, సాయి సౌజన్య ప్రొడ్యూసర్‌లుగా పనిచేశారు..
ఇదిలా ఉండగా దుల్కర్ సల్మాన్, మృణాలు ఠాకూర్‌ కలిసి 2022లో ' సీతారామం' సినిమాలో నటించారు. ఇది ఇద్దరికీ మంచి పేరును తీసుకువచ్చింది. ఈ సినిమాలో మృణాల్ నటన తెలుగు వారికి మరింత దగ్గరికి చేసింది. రాజకుమారి పాత్రలో ఆమె నటించింది. అయితే దుల్కర్ రామ్‌ పాత్రలో మెప్పించాడు.
ఇండియన్ ఆర్మీలో పనిచేస్తు ఉంటాడు. వీరి ఇద్దరి మధ్య ప్రేమ చిగురిస్తుంది. కానీ, ఇండియా, పాకిస్తాన్‌ వివాదం వల్ల రామ్‌ చనిపోతాడు. ఈ సినిమాలో సెకండ్‌ హిరోయిన్‌గా రష్మిక మందన్నా నటించిన సంగతి తెలిసిందే.
