Shani Puja On Diwali 2024: శనిదేవుడిని పూజించాలంటే ప్రతి శనివారం లేదా శనిత్రయోదశి అత్యంత అనుకూలమైన సమయం. అయితే, ఈ రోజుల్లో శనిదేవుని పూజిస్తే శని బాధల నుంచి బయటపడతారు అనే నమ్మకం ఉంటుంది. దీపావళి రోజు కూడా శనిదేవుడిని పూజిస్తే మీకు ఉన్న అన్నీ పీడలు విరగడైపోతాయని మీకు తెలుసా? అక్టోబర్‌ 31 దీపావళి రోజు శనిని పూజించడం వల్ల కలిగే ఫలితాలు తెలుసుకుందాం.
శని దేవుడిని ప్రసన్నం చేసుకోవడానికి చాలా మంది ప్రయత్నిస్తుంటారు. ముఖ్యంగా శనిదేవుడు కర్మ ప్రధాత మనం చేసిన కర్మలను బట్టి ఫలితాలను ఇస్తాడు.
శని బాధ అనేది ప్రతి ఒక్కరికీ ఒక్కో దశలో ఉంటుంది. ఈ శని బాధలు తగ్గించుకోవడానికి శనిదేవుని పూజిస్తారు. అయితే, శని దేవుడికి అమావాస్య ఎంతో ప్రీతికరం. ఈరోజు ఆయన్ని విశేషంగా పూజించి అనుగ్రహం పొందవచ్చు.
దీపావళి అక్టోబర్‌ 31వ తేదీ లక్ష్మీదేవితోపాటు శనిదేవుడిని పూజిస్తే ఎంతో మంచిది. ఈరోజు ఆలయానికి వెళ్లి నువ్వుల నూనెతో దీపం వెలిగించాలి. నూనెలో ముఖం చూసి దూరం ప్రాంతాల్లో వాటిని పారేయాలి.
ఈరోజు దానం చేయడం వల్ల కూడా విశేష ఫలితాలు కలుగుతాయి. శని పీడ నుంచి బయట పడాలంటే వేంకటేశ్వరుని, ఆంజనేయస్వాములకు కూడా పూజలు చేయాలి. నల్ల కుక్కులకు ఆహారం ఇవ్వాలి.
కాకులకు కూడా భోజనం పెడతారు. అంతేకాదు బ్రాహ్మణులకు మీ శక్తి మేరకు దానం ఇవ్వాలి. గొడుగు దానంగా ఇవ్వచ్చు. దీపావళి శనిదేవుని పూజించడం వల్ల శని పీడ నుంచి బయటపడతారు. అశేష ధన ప్రయోజనం కూడా పొందుతారు.
