Stampede: నూతన సంవత్సరాది తీవ్ర విషాదం మిగిల్చింది. జమ్ము కశ్మీర్ వైష్ణవదేవీ ఆలయంలో తీవ్ర అపశృతి చోటుచేసుకుంది. ఆలయంలో తొక్కిసలాట జరిగి 13 మంది ప్రాణాలు కోల్పోయారు. పెద్ద సంఖ్యలో భక్తులు చేరుకోవడంతో ఆందోళన చెలరేగి..తొక్కిసలాటకు దారి తీసింది. ఈ ఘటనపై ప్రధాని నరేంద్ర మోదీ తీవ్ర విచారం వ్యక్తం చేశారు. ప్రస్తుతం క్షతగాత్రులకు చికిత్స అందుతోంది.
వైష్ణవదేవీ ఆలయం యాత్రను ప్రమాదం నేపధ్యంలో కాస్సేపు నిలిపివేసి..తిరిగి ప్రారంభించారు. భక్తుల కోసం మరోసారి రిజిస్ట్రేషన్ ప్రారంభించారు.
సహాయక, ఇతర సమాచారం కోసం 01991-234804, 01991-234053 నెంబర్లను ప్రకటించారు వీటితో పాటు కొన్ని హెల్ప్‌లైన్ నెంబర్ విడుదల చేశారు.
వైష్ణవదేవి ఆలయంలో జరిగిన తొక్కిసలాటపై దర్యాప్తుకు ఆదేశించారు. జమ్ము కశ్మీర్ లెఫ్టినెంట్ జనరల్ ఈ ప్రమాదం గురించి అధికారికంగా వెల్లడించారు.
ప్రధానమంత్రి సహాయ విపత్తు కింద మృతులకు 2 లక్షల రూపాయలు పరిహారం ప్రకటించారు. అటు జమ్ము కశ్మీర్ రాష్ట్రం తరపున మృతులకు పది లక్షల రూపాయల పరిహారం ప్రకటించారు.
ఇవాళ తెల్లవారుజామున 2 గంటల 45 నిమిషాలకు ఈ తొక్కిసలాట చోటుచేసుకుంది. కొత్త సంవత్సరం పురస్కరించుకుని పెద్ద సంఖ్యలో భక్తులు చేరుకున్నారు. ఏ విధమైన అనుమతుల్లేకుండానే భక్తులు పోటెత్తారు.
