Adhar Card Update : પુરાવા વિના પણ કઈ રીતે બદલી શકો છો આધાર કાર્ડમાં એડ્રેસ? આ છે એકદમ સરળ રીત

Aadhar Card Updates: આજકાલ આધાર કાર્ડ ઓળખના પુરાવા માટેનું સૌથી મોટું પેપર બની ગયું છે. દરેક સરકારી-ખાનગી કામમાં આધાર કાર્ડની આવશ્યકતા વધી રહી છે. પરંતુ સમસ્યા ત્યારે ઊભી થાય છે જ્યારે તમે નવી જગ્યાએ શિફ્ટ થાવ છો અને તમારી પાસે તે જગ્યા સાથે જોડાયેલ કોઈ એડ્રેસ પ્રૂફ નથી. હવે યુનિક આઈડેન્ટિફિકેશન ઓથોરિટી ઓફ ઈન્ડિયાએ આ સમસ્યાના ઉકેલ માટે નવો નિયમ લાગુ કર્યો છે. આ ફેરફારને કારણે હવે તમે એડ્રેસ પ્રૂફ આપ્યા વગર પણ તમારું આધાર કાર્ડ એડ્રેસ બદલી શકશો.

પરિવારના વડાની લેવી પડશે પરવાનગી:
આધાર કાર્ડ એડ્રેસ ચેન્જ રૂલ્સના નવા નિયમો અનુસાર, તમારે તમારા આધારમાં સરનામું બદલવા માટે પરિવારના વડાની પરવાનગી લેવી પડશે. આધાર સરનામું બદલવામાં આવશે જો પરિવારના વડા પોતાના જીવનસાથી, બાળકો અને માતા-પિતામાંથી નવા સરનામાને મંજૂરી આપશે. ખાસ વાત એ છે કે 18 વર્ષથી ઉપરની કોઈપણ વ્યક્તિ પરિવારના હેડ ઓફ ધ ફેમેલી બની શકે છે. સરકારનું માનવું છે કે આ ફેરફાર બાદ લોકોને પોતાનું સરનામું બદલવા માટે ભટકવું નહીં પડે અને તેમનું આધાર કાર્ડ સરળતાથી અપડેટ થઈ જશે.

આધાર કાર્ડમાં તમારું સરનામું આ રીતે બદલો:

- સૌથી પહેલા તમારે આધારની વેબસાઈટ https://myaadhaar.uidai.gov.in પર જવું પડશે.

- વેબસાઇટ ખોલવા પર, તમને આધાર એડ્રેસ અપડેટનો વિકલ્પ દેખાશે.

- આ પછી તમારે ત્યાં તમારા પરિવારના વડાનો આધાર નંબર લખવો પડશે.

- ત્યારપછી વેબસાઈટ પરથી પરિવારના વડાના આધાર નંબરનું પ્રમાણીકરણ થશે. આ પછી તમારી પાસે રિલેશનશિપ પેપરનો પુરાવો માંગવામાં આવશે.

- આ પુરાવા સબમિટ કર્યા પછી, તમારી પરિવારના વડાની માન્યતા કરવામાં આવશે. આ પછી તમારે 50 રૂપિયાનો સર્વિસ ચાર્જ ઓનલાઈન જમા કરાવવો પડશે.

- આ પેમેન્ટ પછી તમારા મોબાઈલ પર સર્વિસ રિક્વેસ્ટ નંબર આવશે, જેને તમારે વેબસાઈટ પર લખવાનો રહેશે. આ પછી પરિવારના વડાએ તેના સરનામા માટે વિનંતી કરવાની રહેશે.

- આ રિક્વેસ્ટ રિસીવ કરવાનો મેસેજ મળવા પર પરિવારના વડા OK લખીને તેની પરવાનગી આપશે. આ માટે તેમને 30 દિવસનો સમય મળશે. આ પરવાનગી મળ્યાના 15 દિવસની અંદર સરનામું આધારમાં અપડેટ થઈ જશે.

- નોંધનીય છે કે જો પરિવારના વડા સરનામું બદલવાની વિનંતીને નકારી કાઢે છે, તો આધારમાં સરનામું બદલવું શક્ય બનશે નહીં.