70 વર્ષ જૂનુ બિલ થયું વાયરલ, જાણો આઝાદીથી લઇને અત્યાર સુધીના સોનાના ભાવ

Old Gold Bill 1959: નાણામંત્રી નિર્મલા સીતારમણે (Nirmala Sitaraman) બુધવારે સંસદમાં બજેટ 2023 રજૂ કર્યું છે અને આ વખતે તેમણે સામાન્ય લોકો માટે ઘણી જાહેરાતો કરી છે. લોકોને આવકવેરામાં પણ રાહત મળી છે. છેલ્લા એક મહિનામાં સોનાના ભાવમાં એક હજાર રૂપિયાનો ઉછાળો આવ્યો છે અને હાલમાં એક તોલા એટલે કે 10 ગ્રામ સોનાની કિંમત 58,620 રૂપિયા થઈ ગઈ છે. એટલું જ નહીં, નિષ્ણાત દ્વારા એવો દાવો કરવામાં આવ્યો છે કે આવનારા સમયમાં સોનાનો ભાવ 60 હજારને પાર કરી જશે. આવો અમે તમને બજેટના દિવસે એક મજેદાર હકીકત જણાવીએ. શું તમે જાણો છો 63 વર્ષ પહેલા સોનાની કિંમત શું હતી?

આ પણ વાંચો: ગોથે ના ચડશો, અહીં નવા ટેક્સ સ્લેબને સમજો, કોને થશે કેટલો ફાયદો

શું તમે જાણો છો કે 70 વર્ષ પહેલા સોનાની કિંમત કેટલી હતી?
સોશિયલ મીડિયા પર એક જૂનું બિલ વાયરલ થઈ રહ્યું છે, જેમાં બતાવવામાં આવ્યું છે કે તે સમયે સોનું કઈ કિંમતે વેચાયું હતું. આ સ્લિપ વર્ષ 1959ની છે, જ્યારે સોનાની કિંમત રૂ.113 હતી. જોકે, taxguru.in અનુસાર, 1960માં સોનાની કિંમત 112 રૂપિયા હતી, જે એક રૂપિયો ઓછી હતી. જો તમે આ સ્લિપને ધ્યાનથી જોશો તો ખબર પડશે કે આ જૂનું બિલ મહારાષ્ટ્રના પુણે જિલ્લાનું છે અને આ સ્લિપ પર દુકાનનું નામ પણ લખેલું છે. ઉપર મેસર્સ વામન નિંબાજી અષ્ટેકર લખાયેલ છે અને તેની તારીખ 03 માર્ચ 1959 લખેલી છે. સૌથી મહત્વની વાત એ છે કે આ સ્લિપ હાથથી લખવામાં આવી છે.

આ પણ વાંચો: રિયલ એસ્ટેટ સેક્ટરમાં આશાઓ વધી, નિયમો અને ટેક્સમાં ફેરફારની આશા, જાણો શું છે માંગ
આ પણ વાંચો: Budget 2023: દેશની કરોડો મહિલાઓને નાણામંત્રીએ આપી ખુશખબરી, બજેટ થઇ ગઇ આ જાહેરાત!
આ પણ વાંચો: Budget 2023: મોદી સરકારે ખતમ કર્યો ગુલામાનો આ રિવાજ, જાણો તૂટી કેટલી પરંપરાઓ?

જૂની બિલ સ્લિપ હવે સોશિયલ મીડિયા પર વાયરલ
સોનું ખરીદનાર વ્યક્તિનું નામ શિવલિંગ આત્મારામ લખેલું છે. બિલમાં 621 અને 251 રૂપિયાના સોનાની ખરીદીનો ઉલ્લેખ છે. જ્યારે વ્યક્તિએ સોનાની સાથે ચાંદીની પણ ખરીદી કરી છે. બિલની કુલ રકમ 909 રૂપિયા લખવામાં આવી છે. આ બિલ ઘણું જૂનું છે, પરંતુ આજે પણ આ બિલનું ઘણું મૂલ્ય છે. આ જૂનું બિલ જોતા જ લોકો આશ્ચર્યચકિત થઈ ગયા. લોકો માની પણ નથી શકતા કે એક સમયે સોનું આટલું સસ્તું હતું. હાલમાં સોશિયલ મીડિયા પર આ દિવસો જૂના બિલ ખૂબ વાયરલ થઈ રહ્યા છે.

આઝાદીથી લઇને અત્યાર સુધીના સોનાના ભાવ
1950-99 રૂપિયા  પ્રતિ 10 ગ્રામ
1960-112 રૂપિયા પ્રતિ 10 ગ્રામ
1970-184.5 રૂપિયા પ્રતિ 10 ગ્રામ
1980-1330 રૂપિયા પ્રતિ 10 ગ્રામ
1990-3200 રૂપિયા પ્રતિ 10 ગ્રામ
2000-4400 રૂપિયા પ્રતિ 10 ગ્રામ
2010-18,500 રૂપિયા પ્રતિ 10 ગ્રામ
2020-56,200 રૂપિયા પ્રતિ 10 ગ્રામ
2022-55000 રૂપિયા પ્રતિ 10 ગ્રામ
2023-59,000 રૂપિયા પ્રતિ 10 ગ્રામ
(Source: TaxGuru.in)