IPO This Week : આ સપ્તાહે આવશે 1 મેનબોર્ડ અને 5 SME IPO,જાણો ડેટ અને પ્રાઇઝ બેન્ડ સહિત દરેક વિગત

IPO This Week : આ અઠવાડિયે શેરબજારમાં માત્ર 3 દિવસ જ ટ્રેડિંગ થશે. 22મી જાન્યુઆરીએ રામ મંદિર પ્રાણ પ્રતિષ્ઠાને કારણે બજાર બંધ છે અને 26મી જાન્યુઆરીએ પ્રજાસત્તાક દિવસના કારણે બજાર બંધ રહેશે. આ સત્રોમાં પ્રાઇમરી માર્કેટ ખૂબ જ વ્યસ્ત રહેશે. આ અઠવાડિયે 1 મેઇનબોર્ડ અને 5 SME IPO બજારમાં આવશે. ગયા સપ્તાહે બજારમાં સાત આઈપીઓ જોવા મળ્યા હતા. તેમાં મેડી આસિસ્ટ હેલ્થકેર અને Apac ડ્યુરેબલ્સ જેવા મોટા IPOનો પણ સમાવેશ થાય છે. મેડી આસિસ્ટના IPOને રોકાણકારો તરફથી મજબૂત પ્રતિસાદ મળ્યો હતો. તે લગભગ 16 વખત સબ્સ્ક્રાઇબ થયું હતું. કંપની 23 જાન્યુઆરીએ શેરના લિસ્ટિંગની તૈયારી કરી રહી છે. APAC ડ્યુરેબલ્સ માટે બિડિંગ માટે 23 જાન્યુઆરી છેલ્લો દિવસ છે. ચાલો જાણીએ કે આ અઠવાડિયે કયા IPO લોન્ચ થશે.

નોવા એગ્રિટેક આઈપીઓ (Nova Agritech IPO)
નોવા એગ્રીટેકનો IPO 23 જાન્યુઆરી, 2024ના રોજ સબસ્ક્રિપ્શન માટે ખુલશે અને 25 જાન્યુઆરી, 2024ના રોજ બંધ થશે. 143.81 કરોડનો આ બુક બિલ્ટ ઈશ્યુ છે. જેમાં રૂ. 112 કરોડના 2.73 કરોડ શેરના તાજા ઈશ્યુ અને રૂ. 31.81 કરોડના 0.78 કરોડ શેરના વેચાણની ઓફરનો સમાવેશ થાય છે. કંપનીએ પ્રાઈસ બેન્ડ રૂ. 39 થી રૂ. 41 પ્રતિ શેર નક્કી કરી છે. લઘુત્તમ લોટ સાઈઝ 365 શેર છે.

બ્રિસ્ક ટેક્નોવિઝન આઈપીઓ (Brisk Technovision IPO)
બ્રિસ્ક ટેક્નોવિઝન IPO 23 જાન્યુઆરી, 2024ના રોજ સબસ્ક્રિપ્શન માટે ખુલશે અને 25 જાન્યુઆરી, 2024ના રોજ બંધ થશે. IPO એ ₹12.48 કરોડની ફિક્સ પ્રાઇસ ઇશ્યૂ છે. બ્રિસ્ક ટેક્નોવિઝન IPO ની કિંમત શેર દીઠ ₹156 છે. અરજી માટે લઘુત્તમ લોટ સાઈઝ 800 શેર છે.

આ પણ વાંચોઃ અયોધ્યા જવું હોય તો ખુશીના સમાચાર, માત્ર 1622 રૂપિયામાં મળશે ફ્લાઈટની ટિકિટ

ફોનબોક્સ રિટેલ આઈપીઓ (Fonebox Retail IPO)
ફોનબોક્સ રિટેલ IPO 24 જાન્યુઆરી, 2024ના રોજ સબસ્ક્રિપ્શન માટે ખુલશે અને 29 જાન્યુઆરી, 2024ના રોજ બંધ થશે. આ 29.1 લાખ શેરનો તાજો ઈશ્યુ છે. ફોનબોક્સના IPOમાં પ્રાઇસ બેન્ડ 66 થી 70 રૂપિયા પ્રતિ શેર નક્કી કરવામાં આવી છે. IPOમાં લઘુત્તમ લોટ સાઈઝ 2000 શેર છે.

ડેલાપ્લેક્સ લિમિટેડ આઈપીઓ (DelaPlex Limited IPO)
Delaplex IPO 24 જાન્યુઆરી, 2024ના રોજ સબસ્ક્રિપ્શન માટે ખુલશે અને 29 જાન્યુઆરી, 2024ના રોજ બંધ થશે. આ રૂ. 46.08 કરોડનો બુક બિલ્ટ ઇશ્યુ છે અને તેમાં રૂ. 34.56 કરોડના 18 લાખ શેરના તાજા ઇશ્યુ અને રૂ. 11.52 કરોડના મૂલ્યના 6 લાખ શેરના વેચાણની ઓફરનો સમાવેશ થાય છે. IPOમાં પ્રાઇસ બેન્ડ રૂ. 186 થી રૂ. 192 પ્રતિ શેર નક્કી કરવામાં આવી છે. લઘુત્તમ લોટ સાઈઝ 600 શેર છે.

મેગાથર્મ ઈંડક્શન આઈપીઓ (Megatherm Induction IPO)
મેગાથર્મ ઇન્ડક્શન IPO 25 જાન્યુઆરી, 2024ના રોજ સબસ્ક્રિપ્શન માટે ખુલશે અને 30 જાન્યુઆરી, 2024ના રોજ બંધ થશે. આ રૂ. 53.91 કરોડનો બુક બિલ્ટ ઈશ્યુ છે અને સંપૂર્ણપણે 49.92 લાખ શેરનો તાજો ઈશ્યુ છે. મેગાથર્મ ઇન્ડક્શન IPOની પ્રાઇસ બેન્ડ 100 થી 108 રૂપિયા પ્રતિ શેર નક્કી કરવામાં આવી છે. અરજી માટે લઘુત્તમ લોટ સાઈઝ 1200 શેર છે.

આ પણ વાંચોઃ Nova Agritech IPO: ગ્રે માર્કેટમાં શેર રોકેટ, પૈસા લગાવતા પહેલા ચેક કરો A2Z ડિટેલ્સ

હર્ષદીપ હાર્ટિકો લિમિટેડ આઈપીઓ (Harshdeep Hortico Limited IPO)
હર્ષદીપ હોર્ટિકો IPO 25 જાન્યુઆરી, 2024ના રોજ સબસ્ક્રિપ્શન માટે ખુલશે અને 30 જાન્યુઆરી, 2024ના રોજ બંધ થશે. આ IPO રૂ. 19.09 કરોડનો બુક બિલ્ટ ઈશ્યુ છે અને તે સંપૂર્ણપણે 42.42 લાખ શેરનો તાજો ઈશ્યુ છે. હર્ષદીપ હોર્ટિકો IPOની પ્રાઇસ બેન્ડ 42 થી 45 રૂપિયા પ્રતિ શેર નક્કી કરવામાં આવી છે. ન્યૂનતમ લોટ સાઈઝ 3000 શેર છે.

ઈપીએસીકે ડ્યૂરેબલ આઈપીઓ (EPACK Durable IPO)
EPAC ડ્યુરેબલ IPO 19 જાન્યુઆરી, 2024 ના રોજ ખુલ્યો હતો અને 24 જાન્યુઆરી, 2024 ના રોજ બંધ થશે. આ રૂ. 640.05 કરોડનો બુક બિલ્ટ ઈશ્યુ છે અને તેમાં 1.74 કરોડ શેરનો નવો ઈશ્યુ સામેલ છે. IPOમાં પ્રાઇસ બેન્ડ રૂ. 218 થી રૂ. 230 પ્રતિ શેર નક્કી કરવામાં આવી છે. લઘુત્તમ લોટ સાઈઝ 65 શેર છે.