તિરૂપતિથી લઈને રામેશ્વર સુધીના દર્શન, IRCTC લાવ્યું 11 દિવસનું ટૂર પેકેજ, જાણો કેટલું છે ભાડું

મુંબઈઃ ભારતીય રેલવેની સહાયક કંપની આઈઆરસીટીસી (IRCTC) તમને દક્ષિણ ભારતના પ્રખ્યાત ધાર્મિક સ્થળો પર ફરવાની જબરદસ્ત તક આપી રહી છે. આઈઆરસીટીસી એક પેકેજ લાવવાની છે, જેમાં તમને બેંગલુરૂ, મૈસૂર, કન્યાકુમારી, તિરૂવનંતપુરમ, રામેશ્વરમ, મદુરૈ અને તિરૂપતિ ફરવાની તક મળશે. આઈઆરસીટીસીનું આ ટ્રેન ટૂર પેકેજ 10 રાત અને 11 દિવસનું હશે. 

આ પેકેજની શરૂઆત મુંબઈના છત્રપતિ શિવાજી મહારાજ ટર્મિનસથી થશે. આ યાત્રા ભારત ગૌરવ સ્પેશિયલ ટૂરિસ્ટ ટ્રેન (Bharat Gaurav Special Train) દ્વારા કરાવવામાં આવશે. આ સ્પેશિયલ ટ્રેનમાં સફર કરનાર યાત્રી છત્રપતિ શિવાજી મહારાજ ટર્મિનસ, ઠાણે, કલ્યાણ, કર્જત, લોનાવાલા, પુણે, દૌંડ કુર્ડુવાડી, સોલાપુર અને કુલબુર્ગી સ્ટેશનોથી બોર્ડિંગ/ડિબોર્ડિંગ કરી શકશે. આ પેકેજમાં તમારે ખાવા-પીવાની ચિંતા કરવાની જરૂર નથી. તેમાં ઓનબોર્ડ અને ઓફબોર્ડ મિલ્સની સુવિધા મળશે. 

Set off on a #journey across #SouthIndia to #explore the region's rich #heritage and take #trips to the Mysuru Zoo and Lalbagh Botanical Garden. #Discover new wonders with the Bangalore-Mysore-Kanyakumari With Dakshin Bharat Gaurav Yatra #tourpackage.

— IRCTC (@IRCTCofficial) May 12, 2023

ટૂર પેકેજની ખાસ વાતો
પેકેજનું નામ- Bangalore Mysore Kanyakumari With Dakshin Bharat Gaurav Yatra (WZBG04)
બોર્ડિંગ/ડિબોર્ડિંગઃ છત્રપતિ શિવાજી મહારાજ ટર્મિનસ, ઠાણે, કલ્યાણ, કર્જત, લોનાવાલા, પુણે, દૌંડ કુર્ડુવાડી, સોલાપુર અને કલબુર્ગીન.
ડેસ્ટિનેશન કવર- બેંગલુરૂ, મૈસૂર, કન્યાકુમારી, તિરૂવનંતપુરમ, રામેશ્વરમ, મદુરૈ અને તિરૂપતિ.
કેટલા દિવસની ટૂર- 10 રાત અને 11 દિવસ
પ્રસ્થાન કરવાની તારીખ- 23 મે 2023
ટ્રાવેલ મોડ- ટ્રેન

આ પણ વાંચોઃ Indian Railways: બાળકોની ટ્રેનની ટિકિટને લઈને બદલી ગયા રેલ્વેના નિયમ, જાણો નવો નિયમ

કેટલું લાગશે ભાડું?
ટૂર પેકેજ માટે ટેરિફ અલગ-અલગ હશે. આ પેસેન્જર દ્વારા પસંદ કરવામાં આવેલી કેટેગરી પ્રમાણે હશે. પેકેજની શરૂઆત 17490 રૂપિયા પ્રતિ વ્યક્તિથી થશે. જો ઇકોમોની કેટેગરી (સ્લીપર) માં સફર કરો છો તો તમારે 17490 રૂપિયા ચુકવવા પડશે. જો કન્ફર્ટ કેટેગરી (થર્ડ એસી) પેકેજ લેવામાં આવે તો 30390 રૂપિયા પ્રતિ વ્યક્તિ ચાર્જ આપવો પડશે. આ સિવાય ડીલક્સ કેટેગરી (સેકેન્ડ એસી) પેકેજ માટે પ્રતિ વ્યક્તિ 36,090 રૂપિયા ચાર્જ ચુકવવો પડશે.