Driving License માટે 1 જુલાઈથી નવા નિયમ, હવે ટેસ્ટ આપ્યા વગર જ મળી જશે લાયસન્સ!, જાણો કેવી રીતે? 

Driving License New Rules 2021: હવે તમારે ડ્રાઈવિંગ લાયસન્સ બનાવડાવવા માટે આરટીઓ જઈને ડ્રાઈવિંગ ટેસ્ટ આપવાની જરૂર નહીં પડે. રોડ અને પરિવહન મંત્રાલયે ડ્રાઈવિંગ લાયસન્સ માટેના નિયમોમાં ફેરફાર કર્યો છે. 

Updated By: Jun 14, 2021, 02:45 PM IST
Driving License માટે 1 જુલાઈથી નવા નિયમ, હવે ટેસ્ટ આપ્યા વગર જ મળી જશે લાયસન્સ!, જાણો કેવી રીતે? 
સાંકેતિક તસવીર

નવી દિલ્હી: Driving License New Rules 2021: હવે તમારે ડ્રાઈવિંગ લાયસન્સ બનાવડાવવા માટે આરટીઓ જઈને ડ્રાઈવિંગ ટેસ્ટ આપવાની જરૂર નહીં પડે. રોડ અને પરિવહન મંત્રાલયે ડ્રાઈવિંગ લાયસન્સ માટેના નિયમોમાં ફેરફાર કર્યો છે. જેનાથી કરોડો લોકો જે ડ્રાઈવિંગ લાયસન્સ બનાવડાવવાની કોશિશમાં છે પરંતુ વેઈટિંગ લાંબુ હોવાના કારણે ખુબ સમય લાગી રહ્યો છે, તેમણે હવે વધુ રાહ જોવી પડશે નહી કે આરટીઓના ચક્કર પણ કાપવા નહીં પડે. 

RTO જઈને ટેસ્ટ આપવાની જરૂર નથી
રોડ અને પરિવહન મંત્રાલય તરફથી બહાર પાડવામાં આવેલા નિયમો મુજબ કોઈ પણ વ્યક્તિ જેણે કોઈ પણ સરકારી માન્યતા પ્રાપ્ત ડ્રાઈવિંગ ટ્રેનિંગ સેન્ટરમાંથી ટેસ્ટ પાસ કરી છે તો તેને લાયસન્સ માટે અપ્લાય કરતી વખતે આરટીઓમાં થનારા ડ્રાઈવિંગ ટેસ્ટમાંથી મુક્ત રાખવામાં આવશે. એટલે કે તેણે આરટીઓમાં ડ્રાઈવિંગ ટેસ્ટ આપવાની જરૂર નહીં પડે. તેનું ડ્રાઈવિંગ લાયસન્સ પ્રાઈવેટ ડ્રાઈવિંગ ટ્રેનિંગ સેન્ટરના સર્ટિફિકેટ પર જ બનાવી લેવામાં આવશે. 

1 જુલાઈથી ડ્રાઈવિંગ લાયસન્સના નવા નિયમો
ડ્રાઈવિંગ લાયસન્સના નવા નિયમો એક જુલાઈથી લાગુ થશે. જે રાજ્ય ટ્રાન્સપોર્ટ ઓથોરિટી કે પછી કેન્દ્ર સરકાર દ્વારા માન્યતા આપવામાં આવી હોય તેવા ખાનગી ડ્રાઈવિંગ સેન્ટર્સને જ કામ કરવાની મંજૂરી આપશે. આ ટ્રેનિંગ સેન્ટર્સની માન્યતા 5 વર્ષ માટે રહેશે. ત્યારબાદ તેમણે સરકાર પાસેથી ફરીથી રિન્યુઅલ કરાવવું પડશે. સરકારના આ પગલાથી ખાનગી પ્રાઈવેટ ટ્રેનિંગ સ્કૂલની એક અલગ ઈન્ડસ્ટ્રી ઊભી થઈ શકે છે. 

Mumbai: જે Video જોઈને લોકોના હાજા ગગડી ગયા, તે અકસ્માતનું કારણ હવે સામે આવ્યું, 12 કલાકે કાર ખાડામાંથી બહાર આવી

શું કહે છે નિયમો...
ટ્રેનિંગ સેન્ટર્સને લઈને રોડ અને પરિવહન મંત્રાલય તરફથી કેટલીક માર્ગદર્શિકા અને શરતો પણ છે. જેમાં ટ્રેનિંગ સેન્ટર્સના ક્ષેત્રફળથી લઈને ટ્રેનરનું શિક્ષણ સુદ્ધા સામેલ છે. આવો તેને સમજીએ...

1. અધિકૃત એજન્સી એ સુનિશ્ચિત કરશે કે દ્વિચક્કી, ત્રણ પૈડાવાળા અને હળવા મોટર વાહનોના ટ્રેનિંગ સેન્ટર્સ પાસે ઓછામાં ઓછી એક એકર જમીન હોય, મધ્યમ અને ભારે પેસેન્જર માલ વાહનો કે ટ્રેલરો માટે સેન્ટર્સ પાસે બે એકર જમીનની જરૂર પડશે. 
2 ટ્રેનર ઓછામાં ઓછું 12મું ધોરણ પાસ હોય અને ઓછામાં ઓછો પાંચ વર્ષનો ડ્રાઈવિંગનો અનુભવ હોવો જરૂરી છે. તેને ટ્રાફિકના નિયમોની સારી રીતે જાણકારી હોવી જોઈએ. 
3. મંત્રાલયે એક શિક્ષણ પાઠ્યક્રમ પણ નિર્ધારિત કર્યો છે. હળવા મોટર વાહન ચલાવવા માટે, પાઠ્યક્રમની સમય મર્યાદા વધુમાં વધુ 4 અઠવાડિયાની હશે જે 29 કલાક સુધી ચાલશે. આ ડ્રાઈવિંગ સેન્ટર્સના પાઠ્યક્રમને 2 ભાગમાં વહેંચવામાં આવશે. થિયરી અને પ્રેક્ટિકલ. 
4. લોકોને આંતરિયાળ રસ્તાઓ, ગ્રામીણ રસ્તાઓ, રાજમાર્ગો, શહેરના રસ્તાઓ, રિવર્સિંગ, અને પાર્કિંગ, ચઢાણ તથા ડાઉનહિલ ડ્રાઈવિંગ વગેરે પર ગાડી ચલાવવા શીખવા માટે 21 કલાક ખર્ચ કરવા પડશે. થિયરીમાં સમગ્ર પાઠ્યક્રમના 8 કલાક રહેશે. જેમા રોડ શિષ્ટાચારને સમજવું, રોડ રેજ, ટ્રાફિક શિક્ષણ, દુર્ઘટનાઓના કારણોને સમજવા, પ્રાથમિક ચિકિત્સા અને ડ્રાઈવિંગ ઈંધણ દક્ષતાને સમજવું સામેલ રહેશે.  

Ram Janmbhoomi Trust માં ભ્રષ્ટાચાર? ચંપત રાયે કહ્યું- જૂઠ અને રાજનીતિથી પ્રેરિત છે આરોપ

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube