તમારી કેન્સલ ટિકિટથી આટલા કરોડ દર વર્ષે કમાય છે ભારતીય રેલવે

Railway Ticket Cancellations: ટિકિટ કેન્સલેશન ચાર્જ અને IRCTCની સુવિધા ફીમાંથી રેલવે દર વર્ષે હજારો કરોડ રૂપિયાની કમાણી કરે છે. કડક નિયમો અને વધારાની ફી મુસાફરો પર નાણાકીય દબાણ વધારે છે

Written By Dipti Savant|Last Updated: Dec 15, 2024, 04:12 PM IST

તમારી કેન્સલ ટિકિટથી આટલા કરોડ દર વર્ષે કમાય છે ભારતીય રેલવે

Railway Ticket Cancellations: રેલ્વે દર વર્ષે ટિકિટના વેચાણથી જ નહીં પરંતુ ટિકિટ કેન્સલેશનમાંથી પણ મોટી આવક મેળવે છે. એક તરફ રેલ્વે મંત્રી અશ્વિની વૈષ્ણવે સંસદમાં કહ્યું કે રેલ્વે કેન્સલેશન ચાર્જીસથી થતી આવકનો અલગ હિસાબ રાખતી નથી, તો બીજી તરફ અગાઉના અહેવાલો આ કમાણીની ઝલક આપે છે.

કમાણી કેવી છે?
ટિકિટ કેન્સલ કરાવવા માટે રેલવે અલગ-અલગ ચાર્જ વસૂલે છે. કન્ફર્મ ટિકિટ હોય, વેઇટલિસ્ટેડ હોય કે RAC હોય, કેન્સલેશન ચાર્જ દરેક પરિસ્થિતિમાં લાગુ પડે છે. આ ચાર્જ મુસાફરીની તારીખ અને ટ્રેનના સમયના આધારે વધે છે.

48 કલાક અગાઉ રદ કરવા પર ફ્લેટ ચાર્જ

AC ફર્સ્ટ ક્લાસ: ₹240
AC 2 ટાયર: ₹200
AC 3 ટાયર/ચેર કાર: ₹180
સ્લીપર ક્લાસ: ₹60
48 કલાકથી ઓછા સમયમાં વધુ કપાત
48-12 કલાક અગાઉથી: ભાડાના 25%
12 કલાકથી ઓછા: ભાડાના 50%
ઈ-ટિકિટ પર વધારાનો બોજ

IRCTCની સુવિધા ફી અને ઓનલાઈન બુક કરેલી ટિકિટ પરની Convenience fee અને GST પણ રિફંડ કરવામાં આવતો નથી. જેના કારણે મુસાફરોને ભારે નુકસાન થાય છે.

રેલ્વે કેટલી કમાણી કરે છે?
2020 માં એક RTI ના જવાબમાં, રેલ્વેએ ખુલાસો કર્યો હતો કે જાન્યુઆરી 2017 થી જાન્યુઆરી 2020 સુધીમાં, તેણે ટિકિટ કેન્સલેશન ચાર્જીસમાંથી લગભગ 9,000 કરોડ રૂપિયાની કમાણી કરી હતી.

IRCTC ની અલગ કમાણી
IRCTC ટિકિટ બુકિંગ અને કેન્સલેશન પર Convenience fee ફી દ્વારા પણ નફો કમાય છે.