PAN-AADHAAR લિંક કરવાના નામે થઈ રહી છે છેતરપિંડી, સ્કેમર્સથી બચવા કરો આ 8 મહત્વના કામ

નવી દિલ્હીઃ આધાર કાર્ડને PAN સાથે લિંક કરવાની છેલ્લી તારીખ લંબાવીને 31 માર્ચ કરાઈ છે. સમયમર્યાદામાં વધારો કર્યા પછી ઠગ અને છેતરપિંડી કરનારાઓ ફરી એકવાર સક્રિય થયા છે. આધાર-પાન લિંક કરાવવાના નામે લોકોને ફોન કરીને છેતરવામાં આવી રહ્યા છે. આવી સ્થિતિમાં, જો તમને પણ પાન-આધાર લિંક કરવા માટે કોઈનો કોલ અથવા મેસેજ આવે છે, તો સાવચેત થઈ જાઓ. 

કેસ નંબર 1- ઈન્કમટેક્સ કર્મચારી હોવાનો દાવો કરીને છેતરપિંડી
લખનૌની એક મહિલાને પાન-આધાર લિંક કરવા માટે અજાણ્યા નંબર પરથી કોલ આવ્યો હતો. કોલ કરનારે તેની સાથે વાત કરી હતી અને દાવો કર્યો હતો કે તે આવકવેરા વિભાગનો કર્મચારી છે. આ પછી, તેણે મેસેજમાં એક લિંક મોકલી અને કહ્યું કે તેના પર ક્લિક કરીનેમ બધી જરૂરી વિગતો ભરો. તમારું PAN-આધાર લિંક થઈ જશે. જ્યારે મહિલાએ આવું કર્યું તો થોડા સમય પછી તેના ખાતામાંથી 95 હજાર રૂપિયા કપાઈ ગયા. 

આ પણ વાંચોઃ EPFO: તમે ઘરે બેઠા મોબાઈલથી PF ના પૈસા ઉપાડી શકો છો, આ પ્રોસેસ કરો ફોલો

કેસ નંબર 2 - બેંક કર્મચારી હોવાનો ઢોંગ કરીને છેતરપિંડી
4 એપ્રિલે દિલ્હીમાં રહેતી એક મહિલાને અજાણ્યા નંબર પરથી ફોન આવ્યો હતો. ફોન કરનારે પોતાનો પરિચય બેંક કર્મચારી તરીકે આપ્યો અને કહ્યું કે તમારો PAN આધાર સાથે લિંક નથી. એટલા માટે તમારી બેંક સેવા બંધ કરવામાં આવશે. તેના પર મહિલાએ કહ્યું- શું કરવું તે કહો. જે પછી ફોન કરનારે મહિલાના પાન અને આધારની વિગતો લીધી હતી. બાદમાં મહિલાના મોબાઈલ પર એક OTP આવ્યો અને તેણે તેને આ વાત જણાવી. મહત્વની વાત એ હતી કે ખાતામાં પૈસા નહોતા, નહીંતર મહિલાને મોટું નુકસાન થયું હોત.

ખાતું બંધ થવાનો ડર બતાવીને લોકો સાથે છેતરપિંડી
સાયબર એક્સપર્ટ્સનું કહેવું છે કે સરકારે આધાર કાર્ડને PAN સાથે લિંક કરવા માટે સમય આપ્યો હતો. હવે તેમાં વધારો કરવામાં આવ્યો છે, જેનો લાભ લઈને સાયબર ઠગ લોકો સાથે છેતરપિંડી કરી રહ્યા છે. લોકોને એકાઉન્ટ બંધ કરવાના નામે ડરાવીને નકલી લિંક મોકલવામાં આવે છે. બાદમાં, OTP માંગીને છેતરપિંડી કરવામાં આવે છે.

આ પણ વાંચોઃ પોસ્ટ ઓફિસ પૈસા ડબલ સ્કીમઃ 4 લાખના મળશે 8 લાખ, હવે જલદી પૈસા ડબલ કરશે આ સરકારી યોજના

જો તમે પાન-આધારને લિંક કરવા માંગો છો, તો તે ફક્ત આવકવેરા વિભાગની રજિસ્ટર્ડ વેબસાઇટ પર જઈને કરો.

અહીં તમે તમારો PAN અને આધાર નંબર દાખલ કરીને તપાસ કરી શકો છો કે તમારું PAN-Aadhaar લિંક છે કે નહીં.

જો કોઈ અજાણ્યા નંબર પરથી કોલ કરીને પાન-આધારની માહિતી માંગે તો ક્યારેય ન આપો.

જો તમે ભૂલથી પણ વિગતો આપી દીધી હોય તો ભૂલથી પણ તેની સાથે OTP શેર કરશો નહીં. આમ કરવાથી તમે છેતરાઈ શકો છો.

આધાર એપ પર જઈને આધારનું બાયોમેટ્રિક લોક કરી શકાય છે.

મેસેજ પર આવતી કોઈપણ અજાણી લિંક પર ક્લિક ન કરો.

કોઈ બેંક તમને ફોન કરીને તમારી અંગત વિગતો પૂછતી નથી. જો આવો મેસેજ આવે છે, તો તમે બેંકની શાખામાં જઈને પુષ્ટિ કરી શકો છો.