6 રૂપિયાના સ્ટોકે 9 મહિનામાં 1 લાખના બનાવી દીધા 24 લાખ, રોકાણકારો માલામાલ

નવી દિલ્હીઃ Prime Industries Limited (PIL) Share Price: શેર બજારમાં લિસ્ટેડ ઘણી કંપનીઓના સ્ટોકે રિટર્નના મામલામાં પોતાના ઈન્વેસ્ટરોને ચોંકાવ્યા છે. આજે અમે તમને એવા શેર વિશે જણાવી રહ્યાં છીએ જેમાં પૈસા લગાવનાર  માત્ર 9 મહિનામાં માલામાલ થઈ ગયા છે. આ શેર પ્રાઇમ ઈન્ડસ્ટ્રીઝ લિમિટેડ (પીઆઈએ) નો છે. કંપનીના સ્ટોકે છેલ્લા 9 મહિનામાં બીએસઈ પર 2300 ટકાનું જોરદાર રિટર્ન આપ્યું છે. આ દરમિયાન તેની કિંમત 6 રૂપિયા (2 જાન્યુઆરી 2023નો બંધ ભાવ) થી વધી 146.40 રૂપિયા (15 સપ્ટેમ્બર 2023નો બંધ ભાવ) સુધી પહોંચી ગઈ છે. એટલે કે 1 લાખ રૂપિયાનું ઈન્વેસ્ટમેન્ટ 9 મહિનામાં 24 લાખ રૂપિયા થઈ ગયું છે. 

6 મહિનામાં 1500 ટકા રિટર્ન
Prime Industries Limited (PIL)ની શેર હિસ્ટ્રી પ્રમાણે છેલ્લા છ મહિનામાં તેણે 1584.70 ટકાનું રિટર્ન આપ્યું છે. એટલે કે આ દરમિયાન શેર 8 રૂપિયાથી વધી વર્તમાન કિંમત સુધી પહોંચી ગયો છે. છેલ્લા એક વર્ષમાં આ શેરમાં 1584.70 ટકાનો વધારો થયો છે. તો છેલ્લા પાંચ વર્ષમાં તેણે 24300 ટકાનું છપ્પરફાડ રિટર્ન આપ્યું છે. આ દરમિયાન શેરની કિંમત 60 પૈસાથી વધી 146 રૂપિયાને પાર થઈ ગઈ છે. 

આ પણ વાંચોઃ ₹20 ના IPO નો કમાલ, 1 લાખના બની ગયા 21 કરોડ રૂપિયા, બોનસ-સ્પ્લિટની પણ ભેટ

કંપનીનો કારોબાર
પ્રાઇમ ઈન્ડસ્ટ્રીઝ લિમિટેડ (પીઆઈએલ) વનસ્પતિના નિર્માણની સાથે-સાથે માર્કેટિંગના કારોબારમાં સક્રિય છે. કંપનીએ બેકરી-ક્વોલિટીવાળા વનસ્પતિનું નિર્માણ પણ શરૂ કર્યું જેની બજારમાં સારી પકડ છે. આ કામગીરીમાં વધુ સારી ગુણવત્તાયુક્ત શુદ્ધ તેલનું ઉત્પાદન કરવાના ઉદ્દેશ્ય સાથે સૂર્યમુખી તેલ વગેરે જેવા વિવિધ તેલની પ્રક્રિયાનો સમાવેશ થાય છે.