રશિયા-યુક્રેન વિવાદથી શેરબજારમાં કડાકો, છતાં આ Share એ આપ્યો બમ્પર ફાયદો

નવી દિલ્હી: રશિયા અને યુક્રેન વચ્ચે ચાલી રહેલા યુદ્ધ અને ક્રૂડ ઓઈલના ભાવમાં વધારાને કારણે મુખ્ય સ્ટોકમાં તીવ્ર ઘટાડો જોવા મળ્યો હતો. બંને દેશો વચ્ચે ચાલી રહેલા યુદ્ધની અસર વૈશ્વિક બજારો પર પણ જોવા મળી રહી છે. સપ્તાહના પ્રથમ ટ્રેડિંગ દિવસે સેન્સેક્સ અને નિફ્ટી ભારે ઘટાડા સાથે બંધ થયા છે.

ઘટાડા સાથે ખુલ્યું હતું શેરબજાર
સોમવારે સતત ચોથા સત્રમાં સેન્સેક્સ અને નિફ્ટી ઘટાડા સાથે ખુલ્યા હતા. શરૂઆતના બિઝનેસમાં બંને લાલ નિશાન સાથે બિઝનેસ કરતા જોવા મળ્યા હતા. ટ્રેડિંગના અંતે સેન્સેક્સ સોમવારે 1491.06 પોઈન્ટના ઘટાડા સાથે 52842.75 પર બંધ રહ્યો હતો. બીજી તરફ નિફ્ટી 382.20 પોઈન્ટ ઘટીને 15863.20 ના સ્તરે આવી ગયો હતો.

136 શેરના ભાવમાં કોઈ ફરક નથી
સોમવારે BSE પર કુલ 3,594 કંપનીઓનો વેપાર થયો હતો, જેમાંથી લગભગ 865 શેર વધીને બંધ થયા હતા અને 2,593 શેર ઘટીને બંધ થયા હતા. ત્યારે 136 કંપનીઓના શેરના ભાવમાં કોઈ તફાવત નથી. આજે 272 શેરમાં અપર સર્કિટ છે અને 466 શેરમાં લોઅર સર્કિટ છે.

મારુતિમાં સૌથી મોટો ઘટાડો
મારુતિ સુઝુકી, મહિન્દ્રા એન્ડ મહિન્દ્રા, લાર્સન એન્ડ ટુબ્રો અને આઈસીઆઈસીઆઈ બેંક સેન્સેક્સમાં સૌથી વધુ ઘટાડો નોંધાવ્યો હતા. યુક્રેનની કટોકટી વચ્ચે ઈન્ટરબેંક ફોરેન એક્સચેન્જ માર્કેટમાં રૂપિયો 83 પૈસા ઘટીને 77 પ્રતિ ડોલરના સૌથી નીચા સ્તરે પહોંચ્યો હતો.

આ શેરથી રોકાણકારોને બમ્પર લાભ
- સોમવારે શેરબજારમાં ભારે ઘટાડા છતાં કેટલાક શેરોએ રોકાણકારોને લાભ આપ્યો હતો. આજે આપણે તે 5 શેરો વિશે વાત કરીશું, જેણે ભારે ઘટાડા વચ્ચે પણ રોકાણકારોને બમ્પર લાભ આપ્યો.
- ONGC નો શેર લગભગ 22 રૂપિયાના વધારા સાથે 186.95 રૂપિયા પર બંધ થયો.
- એ જ રીતે હિંડાલ્કોનો શેર આશરે રૂ. 36 વધીને રૂ. 619.75 ની સપાટીએ પહોંચ્યો હતો.
- કોલ ઈન્ડિયાનો શેર લગભગ 8 રૂપિયાના વધારા સાથે 188.70 રૂપિયા પર બંધ રહ્યો હતો.
- ભારતી એરટેલનો શેર લગભગ રૂ.22 ના વધારા સાથે રૂ.675.40 પર બંધ થયો હતો.
- UPL નો શેર લગભગ રૂ. 18 ના વધારા સાથે રૂ.731.90 પર બંધ થયો.