આ દિગ્ગજ ઉદ્યોગપતિએ પોતાના પુત્રનો ભેટમાં આપ્યા 1 કરોડ શેર, જાણો કેટલી છે કિંમત

નવી દિલ્હીઃ વિપ્રોના ફાઉન્ડર અઝીમ પ્રેમજી (Azim Premji)એ પોતાના પુત્રોને કંપનીના આશરે 1 કરોડ શેર ભેટમાં આપ્યા છે. આ શેરની કિંમત 500 કરોડ રૂપિયા છે. અઝીમ પ્રેમજીએ પોતાના બે પુત્રો ઋુષદ પ્રેમજી (Rishad Premji)અને તારિક પ્રેમજી (Tariq Premji)ને આ ભેટ આપી છે. સ્ટોક એક્સચેન્જોના આંકડાથી આ જાણકારી મળી છે. ગિફ્ટમાં આપવામાં આવેલા શેર વિપ્રોના શેર કેપિટલના 0.20 ટકા છે. એક્સચેન્જ ફાઈલિંગ અનુસાર અઝીમ પ્રેમજીએ વિપ્રોના 51,15,090 ઈક્વિટી શેર પોતાના પુત્ર ઋષદ પ્રેમજીને ગિફ્ટ આપ્યા છે. આટલા શેર તારિક પ્રેમજીને ગિફ્ટમાં આપવામાં આવ્યા છે.

ઋષદ પ્રેમજી વિપ્રોના ચેરમેન છે
રિષદ પ્રેમજી હાલમાં વિપ્રોના ચેરમેન છે. જ્યારે, તારિક પ્રેમજી વિપ્રો એન્ટરપ્રાઇઝના નોન-એક્ઝિક્યુટિવ ડિરેક્ટર છે. આ ટ્રાન્ઝેક્શનને કારણે કંપનીના કુલ પ્રમોટર અને પ્રમોટર ગ્રૂપ શેરહોલ્ડિંગમાં કોઈ ફેરફાર થયો નથી. આ સોદા બાદ વિપ્રોમાં અઝીમ પ્રેમજીનો હિસ્સો ઘટીને 4.3 ટકા થઈ ગયો છે. તે જ સમયે, રિશાદ પ્રેમજી અને તારિક પ્રેમજીનો શેર વધીને 0.13 ટકા થયો છે.

આ પણ વાંચોઃ પોસ્ટ ઓફિસની આ બે સ્કીમમાં રોકાણ કરીને મહિલાઓ બની શકે છે અમીર, મળશે લાખોનું વળતર!

પ્રેમજી પરિવારનો હિસ્સો 4.43% છે
વિપ્રોમાં પ્રેમજી પરિવારના સભ્યોનો કુલ હિસ્સો 4.43 ટકા છે. આમાં અઝીમ પ્રેમજીની પત્ની યાસ્મીન પ્રેમજીનો 0.05 ટકા હિસ્સો પણ સામેલ છે. ગયા વર્ષે ડિસેમ્બર સુધીમાં, વિપ્રોમાં કુલ પ્રમોટરનો હિસ્સો 72.90 ટકા હતો.

કંપનીનું માર્કેટ કેપ રૂ. 2,48,185.23 કરોડ 
બુધવારે વિપ્રોના શેર રૂ. 478 પર બંધ થયા હતા. ગુરુવારે બપોરે કંપનીના શેર BSE પર 0.69 ટકાના ઘટાડા સાથે રૂ. 474.70 પર ટ્રેડ થતા જોવા મળ્યા હતા. હાલમાં કંપનીનું માર્કેટ કેપ રૂ. 2,48,185.23 કરોડ હતું. વિપ્રોના શેરનો 52 સપ્તાહનો સર્વોચ્ચ ભાવ રૂ. 526.45 છે. આ સ્તર 15 જાન્યુઆરીએ પહોંચ્યું હતું. તે જ સમયે, તેનું 52 સપ્તાહનું નીચલું સ્તર 17 એપ્રિલ, 2023 ના રોજ 351.85 રૂપિયા હતું. વિપ્રોનો શેર રૂ. 2ની ફેસ વેલ્યુ પર ટ્રેડ થઈ રહ્યો છે. વિપ્રો એ કમ્પ્યુટર-સોફ્ટવેર અને કન્સલ્ટિંગ ઉદ્યોગમાં એક કંપની છે. તેનું PE 27.94 છે. જ્યારે, ROE 16.69 છે.