નાની પાર્ટીઓમાં પર્ફોમ કરી કમાયા મોટા પૈસા! જાણો સૂરોના સૌદાગર ગુરુ રંધાવાની લાઈફની અંગત વાતો

ઝી બ્યૂરો, અમદાવાદઃ હાઈ રેટેડ ગબરું ગુરુ રંધાવાનો આજે જન્મદિવસ જેણ મહેનતથી ચમકાવી પોતાની કિસ્મત. ગુરુ રંધાવાનું નામ પહેલા કંઈક બીજું હતું. તે એક અમેરિકન રેપર સાથે વીડિયો ગીત બનાવી રહ્યો હતો. તે રેપરને ગુરુનું પૂરું નામ લેવામાં તકલીફ પડતી હતી. તેથી તેણે ગુરુ કહેવાનું શરૂ કર્યું. ગુરુ રંધાવાને પછીથી ગુરુ રંધાવા નામ આપવામાં આવ્યું. તેમનો જન્મ પંજાબના ગુરદાસપુર જિલ્લાના નૂરપુરમાં થયો હતો. તેમનું નામ ગુરુશરનજોત સિંહ રંધાવા હતું. તે ભણવામાં ખૂબ જ ઝડપી હતો. પરંતુ તેના મ્યુઝિકમાં પણ ઘણો રસ હતો. તેણે ગુરદાસપુરથી જ નાના કાર્યક્રમોમાં ગાવાનું શરૂ કર્યું હતું.

બાદમાં એમબીએનો અભ્યાસ કરવા તેને દિલ્લી મોકલવામાં આવ્યો હતો. જ્યાં તેણે અભ્યાસની સાથે નાની પાર્ટીઓમાં ગાવાનું શરૂ કર્યું. દિલ્લીમાં એક તરફ એમબીએનો અભ્યાસ ચાલી રહ્યો હતો, તો બીજી તરફ જ્યાં તક મળતી હતી ત્યાં તે ગાતો હતો. લોકો શું કહેશે તેની તેને ક્યારેય પડી નહોતી. અભ્યાસ પૂરો કર્યા પછી, તેની સામે મોટો પડકાર હતો કે તે તેની સંગીત કારકિર્દીને આગળ વધારે અથવા તેને અભ્યાસથી મળેલી નોકરી તરફ આગળ વધવું. પરંતુ ત્યાં સુધી, જે પણ ક્લબ-પાર્ટીમાં લોકોએ ગુરુને ગાતા જોયા, તેમને તે ગમ્યું. તેને વધુ કામ મળવા લાગ્યું. તેથી તે આ રીતે મોટો થવા લાગ્યો.

અમેરિકન રેપર બોહેમિયાએ નામ આપ્યું ગુરુ-
ગુરશરનજોત સિંહ રંધાવા, અમેરિકન-પાકિસ્તાની રેપર બોહમિયાને તેનું નામ બોલવામાં તકલીફ પડતી હતી. વાસ્તવમાં ગુરુ રંધાવા સતત યુટ્યુબ પર પોતાના ગીતો બનાવતો અને મૂકતો હતો. ઈન્ટરનેટ જગત અને ગુરુ રંધાવાના કેટલાક મિત્રોએ પ્રખ્યાત રેપર બોહેમિયાને તેના કેટલાક ગીતો બતાવ્યા. બોહેમિયાને ગુરુની સ્ટાઈલ એટલી ગમી ગઈ કે તેણે તેની સાથે ગીત કંપોઝ કરવાનું કહ્યું.

વર્ષ 2013માં બોહેમિયાએ તેની સાથે પટોલા ગીતમાં કામ કર્યું હતું. આ સમય દરમિયાન તેમણે ગુરુશરનજોત સિંહ રંધાવાને ગુરુ રંધાવા તરીકે બોલાવવાનું શરૂ કર્યું અને આ નામ તેમની સાથે હંમેશા માટે જોડાઈ ગયું. આ નામ સાથે જ ગુરુ રંધાવાનું ભાગ્ય ખુલ્યું. તેની પાસે કોઈ મોટી હિટ ફિલ્મો નથી પરંતુ ગીતો સતત આવવા લાગ્યા. આ દરમિયાન તેમણે મિલિંદ ગાબા, રજત નાગપાલ જેવા લોકો સાથે કામ કર્યું. લગભગ ચાર વર્ષનો આ સમયગાળો તેમની સાથે આ રીતે કામ કરીને પસાર થયો. વર્ષ 2017માં રંધાવાનું હાઈ રેટેડ ગબરૂ ગીત આવ્યું હતું. યુટ્યુબ પર તેના આગમનથી, આ ગીત પહેલા પંજાબી અને પછી મેટ્રોપોલિટન દિલ્લીથી માયાનગરી મુંબઈના લોકો સુધી પહોંચ્યું. તેનું નસીબ એવું ચમક્યું કે ગુરુ રંધાવાને રેપર અર્જુન સાથે IPLની ઓપનિંગ સેરેમનીમાં ગાવાનો મોકો મળ્યો.

આ ગીતોથી ગુરુ રંધાવા સુપરહિટ સ્ટાર બની ગયો-
ગુરુ રંધાવા ભારતના ઉભરતો પ્લેબેક સિંગર છે. તે ગીતો લખે છે અને ગીતોની ધૂન પણ કંપોઝ કરે છે. મૂળભૂત રીતે તેની સંગીતની સમજ અને કામ પંજાબીમાં છે. પરંતુ હાલના સમયમાં તે બોલિવૂડમાં ખૂબ જ ઝડથી આગળ વધી રહ્યો છે. છેલ્લાં કેટલાંક વર્ષોમાં, 'હાઈ રેટેડ ગબરૂ, બન જા તુ મેરી રાની, લગડી લાહોર દી, તેનુ સૂટ સૂટ કરદા, મેડ ઈન ઈન્ડિયા, ઈશાર તેરે' જેવા તેના ગીતો ખૂબ જ લોકપ્રિય થયા છે.

પીટબુલ સાથે સ્ક્રીન પણ શેર કરી છે-
હવે ગુરુ રંધાવાની લોકપ્રિયતા એ છે કે તાજેતરમાં તેણે વિશ્વના સૌથી પ્રખ્યાત રેપર પિટબુલ સાથે સ્લોલી-સ્લોલી ગીત ગાયું હતું.