close

News Wrapએડિટરની પસંદગીના મુખ્ય સમાચાર મેળવો સીધા તમારા મેઇલબોક્સમાં

KBC 10 : આસામની બિનીતા જૈન બની આ સિઝનની પ્રથમ 'કરોડપતિ'

ચેનલ દ્વારા આ એપિસોડનો નાનકડો પ્રમોશનલ વીડિયો આધિકારિક ફેસબૂક પેજ પર અપલોડ કરવામાં આવ્યો છે 

Yunus Saiyed - | Updated: Sep 27, 2018, 05:44 PM IST
KBC 10 : આસામની બિનીતા જૈન બની આ સિઝનની પ્રથમ 'કરોડપતિ'
ચેનલ દ્વારા આ એપિસોડનો નાનકડો પ્રમોશનલ વીડિયો આધિકારિક ફેસબૂક પેજ પર અપલોડ કરવામાં આવ્યો છે

નવી દિલ્હીઃ ભારતનો સૌથી પ્રખ્યાત ક્વીઝ ગેમ શો 'કૌન બનેગા કરોડપતિ'ની 10મી સિઝનને પ્રથમ કરોડપતિ મળી ગયો છે. આસામની બિનીતા જૈન રૂ.1 કરોડ જીતવામાં સફળ રહી છે. આ શોનું પ્રસારણ કરતી ચેનલ દ્વારા તેના ઓફિશિયલ ફેસબૂક પેજ પર આ એપિસોડનો એક નાનકડો પ્રમોશન વીડિયો શેર કરવામાં આવ્યો છે. 

આ શોના હોસ્ટ એવા જાણીતા અભિનેતા અમિતાભ બચ્ચન અત્યંત પ્રસન્ન થઈને બિનીતાને અભિનંદન આપતા જણાવે છે કે, 'ઇસ સિઝન કી પહેલી કરોડપતિ' આપ બન ગઈ હૈં. આ વીડિયોમાં હિન્દીમાં કંઈક આ રીતે લખીને પ્રમોશન કરવામાં આવી રહ્યું છે, "જ્ઞાન કી ઈસ દસવેં અધ્યાય મેં મિલ ગઈ હૈં હમે પહેલી કરોડપતિ. પર ક્યા ઉસસે ભી આગે જીત પાએંગી બિનીતાજી? દેખિયા #KBC કા સપ્તકોટી એપિસોડ, 2 ઓક્ટોબર કો ઔર ઉસકી યે એક ઝલક આજ ઈસ એક્સ્ક્લૂસિવ FB પ્રિમિયર મેં. રિમાઈન્ડર કે લિયે યહાં ક્લિક કરે. અમિતાભ બચ્ચન."

પ્રથમ કરોડપતિ બનતી મહિલાનો આ એપિસોડ 2 ઓક્ટોબર, ગાંધી જયંતીના દિવસે પ્રસારિત થવાનો છે. પ્રોમોમાં જણાવાયું છે કે, બિનીતા 7 કરોડના ફાઈનલ સવાલનો સામનો કરશે. જો તે સાચો જવાબ આપશે તો તે 7 કરોડની અધધ રકમ જીતી જશે. 

KBC એ બ્રિટિશ કાર્યક્રમ 'હુ વોન્ટ્સ ટુ બી અ મિલિયોનેર'ની નકલ છે. છેલ્લા 9 વર્ષથી મેગાસ્ટાર અમિતાભ બચ્ચન અત્યંત સફળતા સાથે આ કાર્યક્રમનું સંચાલન કરી રહ્યા છે. આ શોની ત્રીજી સિઝનનું સંચાલન શાહરૂખ ખાને કર્યું હતું.