Bollywood: નામથી હિંદુ પણ આ અભિનેત્રીઓ છે ધર્મથી મુસ્લિમ, પ્રેમ માટે બદલી દીધો ધર્મ

Muslim Actresses Hindu Names: ભારતની સૌથી મોટી સુંદરતા એ છે કે અહીં અલગ-અલગ ધર્મના લોકો રહે છે. ફિલ્મ ઈન્ડસ્ટ્રીમાં દરેક ધર્મના લોકોએ યોગદાન આપ્યું છે. અભિનેત્રીઓની વાત કરીએ તો જેમણે સારું કામ કર્યું તે સફળ થઈ છે. કેટલીક અભિનેત્રીઓ એવી છે જે ફિલ્મોની સાથે સાથે પોતાના અંગત જીવન માટે પણ ટ્રેન્ડમાં રહી છે. કેટલીક હિંદુ અભિનેત્રીઓ પણ છે જેમણે અલગ-અલગ કારણોસર મુસ્લિમ ધર્મ અપનાવ્યો હતો. આ લિસ્ટમાં એવા નામ છે જે જાણીને તમને આશ્ચર્ય થશે.

ફિલ્મ ઈન્ડસ્ટ્રીમાં ટેલેન્ટને મહત્વ આપવામાં આવે છે, તે કયા ધર્મની હોય તેનાથી કોઈ ફરક પડતો નથી. આવી જ કેટલીક પ્રતિભાશાળી અભિનેત્રીઓ છે જેમણે પોતાના કામ અને સુંદરતાથી લોકોના દિલમાં જગ્યા બનાવી છે. પરંતુ જ્યારે તેમણે ઈસ્લામ કબૂલ કર્યો ત્યારે તે ઘણી ચર્ચામાં રહી.

આ પણ વાંચો: ખિચડી 2 ફિલ્મ ઓટીટી રિલીઝ માટે તૈયાર, જાણો કયા ઓટીટી પ્લેટફોર્મ પર ક્યારે થશે રિલીઝ

નામથી હિંદુ પરંતુ ધર્મથી મુસ્લિમ અભિનેત્રીઓ

બોલિવૂડ ઇન્ડસ્ટ્રીમાં એવી ઘણી અભિનેત્રીઓ છે જેમના નામથી તમને લાગતું હશે કે તેઓ હિંદુ છે પરંતુ વાસ્તવમાં તેમણે મુસ્લિમ ધર્મ અપનાવ્યો છે. આવો તમને જણાવીએ આવી જ કેટલીક અભિનેત્રીઓ વિશે.

આયેશા ટાકિયા
'વોન્ટેડ' અને 'ટાર્ઝન' જેવી સુપરહિટ ફિલ્મોમાં જોવા મળેલી આયેશા ટાકિયાનો જન્મ હિન્દુ પરિવારમાં થયો હતો. 2009માં આયેશાએ તેના બોયફ્રેન્ડ ફરહાન આઝમી સાથે લગ્ન કર્યા, જે પહેલાં તેણે ઈસ્લામ કબૂલ કર્યો હતો.

શર્મિલા ટાગોર
સૈફ અલી ખાનની માતા અને ભૂતકાળની લોકપ્રિય અભિનેત્રી શર્મિલા ટાગોરનો જન્મ પણ હિન્દુ પરિવારમાં થયો હતો. શર્મિલા ટાગોરે પૂર્વ ક્રિકેટર મન્સૂર અલી ખાન સાથેના લગ્ન પહેલા ઈસ્લામ અંગીકાર કર્યો હતો.

આ પણ વાંચો: જુઓ ફિલ્મ શૈતાનનું ટીઝર, આર માધવનને જોઈ છૂટી જશે પરસેવો, શરીરમાં થવા લાગશે ધ્રુજારી

અમૃતા સિંહ
80ના દાયકામાં ઘણી સુપરહિટ ફિલ્મોમાં મુખ્ય અભિનેત્રી તરીકે જોવા મળેલી અમૃતા સિંહ પણ એક હિંદુ પરિવાર સાથે સંબંધ ધરાવે છે. 1991માં સૈફ અલી ખાન સાથેના લગ્ન પહેલાં તેણે પણ ઈસ્લામ અંગીકાર કર્યો હતો.

હેમા માલિની
'ડ્રીમ ગર્લ' તરીકે પ્રખ્યાત હેમા માલિનીએ 1980માં ધર્મેન્દ્ર સાથે લગ્ન કર્યા હતા. તે દરમિયાન તેણે ઇસ્લામ કબૂલ કરવો પડ્યો. તેની પાછળનું કારણ એ હતું કે ધર્મેન્દ્ર પહેલેથી જ પરિણીત હતા અને હિંદુ ધર્મમાં એક લગ્ન પછી બીજા લગ્ન કરી શકતા નથી, તેથી ધર્મેન્દ્રને પણ ઈસ્લામ ધર્મ અંગીકાર કરવો પડ્યો અને પછી તેણે હેમા માલિની સાથે બીજી વાર લગ્ન કર્યા.

આ પણ વાંચો: Aishwarya Rai:એક ઘટનાના કારણે ઐશ્વર્યા રાયે મિનિટોમાં ગુમાવી વીર ઝારા સહિત 5 ફિલ્મો

મમતા કુલકર્ણી
90ના દાયકાની જાણીતી અભિનેત્રી મમતા કુલકર્ણીનો જન્મ પણ હિન્દુ પરિવારમાં થયો હતો. પ્રેમના કારણે તેણે મુસ્લિમ ધર્મ પણ અપનાવ્યો અને પછી લગ્ન કરી લીધા. જોકે, આજે તે ગુમનામીનું જીવન જીવી રહી છે અને તેના વિશે કોઈ સમાચાર નથી.

(Disclaimer: અહીં આપેલી માહિતી સામાન્ય માહિતી પર આધારિત છે.  ZEE24kalak તેની પુષ્ટિ કરતું નથી.)