અમદાવાદ પશ્ચિમના સાંસદ ડૉ. કિરીટ સોલંકી કોરોના પોઝિટિવ, હોમ આઇસોલેટડ થયા

અમદાવાદ : કોરોના હવે સામાન્ય માણસને છોડીને એક પછી એક નેતાઓને ટાર્ગેટ કરી રહ્યા હોય તેવું લાગી રહ્યું છે. આજનાં જ દિવસમાં મજૂરા વિધાનસભા બેઠકના ધારાસભ્ય હર્ષ સંઘવીને કોરોના પોઝિટિવ આવ્યો હતો. આ ઉપરાંત સુરેન્દ્રનગરના જિલ્લા ભાજપ મહામંત્રી જગદીશ મકવાણાનો પણ કોરોના રિપોર્ટ પોઝિટિવ આવ્યો હતો. જેના કારણે ભાજપના પ્રદેશ પ્રમુખ સહિત રેલીમાં હાજર તમામમાં ફફડાટ ફેલાયો છે. નજીકથી સંપર્કમાં આવેલા નેતાઓ હોમ આઇસોલેટેડ થયા છે. 

તો બીજી તરફ આજે ભાજપનાં વરિષ્ઠ નેતા અને અમદાવાદ પશ્ચિમના સાંસદ ડૉ. કિરિટ સોલંકીનો કોરોના રિપોર્ટ પોઝિટિવ આવ્યો છે. તેમણે આ અંગે ટ્વિટ કરીને માહિતી આપી હતી. તેમણે જણાવ્યું કે, 20 તારીખે તેમને સામાન્ય તાવ આવ્યો હતો અને સામાન્ય ઉધરસની પણ તકલીફ હતી. જેના પગલે તેમણે આજે કોવિડ ટેસ્ટ કરાવ્યો હતો. જે આજે પોઝિટિવ આવ્યો હતો. જો કે ખુબ જ હળવા લક્ષણો હોવાનાં કારણે ડોક્ટરે તેમને હોમ ક્વોરન્ટીન રહેવા માટે જણઆવ્યું હતું. હાલ તેઓ હોમ ક્વોરન્ટિન થયા છે. સોલંકીએ ટ્વિટર પર અપીલ કરીને જણાવ્યું કે, 20 તારીખથી મારા સંપર્કમાં આવેલા તમામ લોકો થોડા સમય માટે હોમ આઇસોલેટેડ થાય અને જો તેમને કોવિડનાં લક્ષણો જેવા કોઇ લક્ષણો જોવા મળે તો તુરંત જ કોરોના રિપોર્ટ કરાવે.

२० ऑगस्ट २०२० से हल्का बुख़ार और खांसी रेहती थी ।तब से ही मै आयसोलेशन में रहा । मैने आज कोविड टेस्ट करवाया जो पोसिटिव है ।हलके सिम्प्टम की वजह से डॉक्टर ने “ स्ट्रिक्ट होम कोरंटिन”
की सलाह पर घर में हु ।
इस दौरान जो लोग मेरे सम्पर्क में आए है उनसे विनती है की मेडिकलसलाह ले ।

— Dr. Kirit Solanki MP (@drkiritpsolanki) August 27, 2020