અમદાવાદમાં જોરદાર હીટ & રન, કારના પૈડા નીચે કચડાઈ એક જિંદગી

અમદાવાદ : આજે અમદાવાદના એસ.જી. હાઇવે પર કાર અને બે બાઇક વચ્ચે જોરદાર એક્સિડન્ટ થયો છે. આ હીટ & રન કેસમાં બાઇકચાલકોને ભારે ઇજા પહોંચી હતી અને હર્ષિલ નામના યુવકનું તો સારવાર દરમિયાન મોત થયું હતું. 

અકસ્માતની વિગતો
આ અકસ્માતને નજરે જોનાર લોકોએ માહિતી આપી છે કે એસજી હાઇવે નજીક આવેલા કર્ણાવતી ક્લબથી સરખેજ જતા સર્વિસ રોડ પર સવારે 9 વાગ્યાના અરસામાં દીવ દમણ પાસિંગની લક્ઝુરિયસ કારના ચાલકે કાબુ ગુમાવ્યો હતો જેના કારણે કાર ડીવાઇડરને અથડાઇને 20 ફૂટ જેટલી હવામાં ફંગોળાઈ હતી. આ અકસ્માતને પગલે કારે સીધા રસ્તે આવી રહેલા બે બાઇક પર સવાર ત્રણ શખ્સોને અડફેટે લીધા હતા. અકસ્માત એટલો તીવ્ર હતો કે કારની તમામ એરબેગ ખુલી ગઇ હતી. અકસ્મા્ત સર્જનાર કારમાં કેટલીક સિગરેટ ફીલર મળી આવ્યા હતા. સામાન્ય રીતે તેનો ઉપયોગ ગાંજો કે ચરસ ભરવા માટે થાય છે. સરખેજ પોલીસે આ અંગે ગુનો નોંધીને તપાસ આગળ ધપાવી છે.

એકનો ગયો જીવ
આ અકસ્માતમાં બે બાઇકસવારોને ઇજા પહોંચી હતી. ગંભીર રીતે ઘવાયેલા ઈજાગ્રસ્તોમાં નરોડામાં રહેતા હર્ષિલ અને ધ્રુવ ક્રોપ ટાઇગર કંપનીમાં નોકરી કરે છે. અકસ્માતગ્રસ્ત યુવાનોમાંથી હર્ષિલનું મોત નિપજ્યું હતું.