શું તમારો સેકન્ડ હેન્ડ ફોન ચોરીનો તો નથી ને! બે મિનિટમાં ખબર પડશે, આ રીતે ચેક કરો

How To Verify Second Hand Phone: જો તમે ઓનલાઈન કે ઓફલાઈન સ્ટોર પરથી સેકન્ડ હેન્ડ ફોન ખરીદી રહ્યા છો તો તમારે સાવધાન રહેવાની જરૂર છે. સેકન્ડ હેન્ડ ગેજેટ્સ વેચતી ઘણી સાઈટ પર ચોરેલા ફોન પણ વેચાઈ રહ્યા છે. ફોન ચોરાયેલો છે કે નહીં, હવે તે શોધવું ખૂબ જ સરળ થઈ ગયું છે. તાજેતરમાં, ટેલિકોમ મંત્રાલય (DoT) એ સાથી પોર્ટલ લોન્ચ કર્યું છે, જેના દ્વારા તમે સેકન્ડ હેન્ડ ફોનની સંપૂર્ણ વિગતો ચકાસી શકો છો. 

ઉપરાંત, આ પોર્ટલ પર ખોવાયેલા ફોનને બ્લોક અને ટ્રેક કરવાની સુવિધા ઉપલબ્ધ છે. સંચાર સાથી “Know Your Mobile” સુવિધા પ્રદાન કરે છે, જે વપરાશકર્તાઓને સેકન્ડ હેન્ડ ફોન ખરીદતા પહેલાં તેની અધિકૃતતા ચકાસવા દે છે. આનાથી સાયબર ફ્રોડના વધતા જતા વલણમાં ઘટાડો થવાની અપેક્ષા છે.

સેકન્ડ હેન્ડ ફોનની ચકાસણી કેવી રીતે કરવી?

• તમે પોર્ટલ પર સેકન્ડ હેન્ડ ફોનનો IMEI નંબર ચકાસી શકો છો.
• આ માટે તમે જે ફોન ખરીદવા જઈ રહ્યા છો તેમાં *#06# ડાયલ કરો.
• આને ડાયલ કરતાની સાથે જ તે ફોનનો IMEI નંબર સ્ક્રીન પર દેખાશે.
• આ IMEI નંબરને ક્યાંક સેવ કરો.

• આ પછી તમારે સેન્ટ્રલ ઇક્વિપમેન્ટ આઇડેન્ટિટી રજિસ્ટર-(https://www.ceir.gov.in/Device/CeirIMEIVerification.jsp)ની વેબસાઇટ પર જવું પડશે.
• અહીં તમારે તમારો મોબાઈલ નંબર એન્ટર કર્યા બાદ OTP એન્ટર કરવાનો રહેશે.
• આ પછી, તમને સ્ક્રીન પર IMEI નંબર દાખલ કરવાનો વિકલ્પ દેખાશે.
• અહીં IMEI નંબર નાખતા જ તેનું સ્ટેટસ દેખાશે.
• જો તમને અહીં બ્લેકલિસ્ટેડ, ડુપ્લિકેટ કે પહેલાંથી જ ઉપયોગ માં લખેલું દેખાય તો સમજો કે ફોન ચોરાયેલો છે.