હાર્ટ એટેકથી બચવા સૌરાષ્ટ્ર યુનિવર્સિટીનું મોટું પગલું : ઠેર ઠેર લાગ્યા પ્રવેશબંધીના પોસ્ટર્સ

Rajkot News : ગુજરાતમાં હાર્ટ એટેકના કેસ ખતરનાક રીતે વધી રહ્યાં છે. કિશોર અને યુવા વર્ગના જીવ જતા હવે હાર્ટ એટેક ડરાવના બની ગયા છે. ત્યારે હાર્ટ એટેકના ખતરાને ટાળવા માટે સૌરાષ્ટ્ર યુનિવર્સિટીએ મોટો નિર્ણય લીધો છે. હાર્ટ એટેકની વધતી ઘટનાને પગલે સૌરાષ્ટ્ર યુનિવર્સિટીમાં ઠેર ઠેર પોસ્ટર લગાવાયા છે. જેમાં જણાવાયું છે કે, હાર્ટ એટેકને લગતી કોઈ પણ સમસ્યા હોય તો સ્પોર્ટસ એક્ટિવિટીથી દૂર રહેવું 

યુનિવર્સિટીમાં ઠેરઠેર પોસ્ટર લગાવાયા
રાજકોટની સૌરાષ્ટ્ર યુનિવર્સિટીમાં સ્વીમીંગ પુલ, મેન્સ જીમ, સ્પોર્ટ્સ કોમ્પ્લેક્સ  અને બાસ્કેટબોલ કોર્ટ બહાર પોસ્ટર લગાવવામાં આવ્યા છે. જેમાં જણાવાયુ છે કે, હૃદય રોગની બીમારી હોય તો સ્વીમિંગ સહિતની પ્રવૃત્તિથી દુર રહેવું અને ફિટનેસ અંગેનું ડોક્ટરનું  સેર્ટીફીકેટ સાથે લાવવું. સ્વિમિંગપૂલમાં જવા માટે ખેલાડીએ મેડિકલ સર્ટિ રજૂ કરવું પડશે. 

એકદમ જ નથી આવતો Heart Attack, દેખાવા લાગે છે આ લક્ષણો
હૃદયરોગનો હુમલો વિશ્વભરમાં મૃત્યુનું મુખ્ય કારણ બની ગયું છે. આપણા દેશમાં તેલયુક્ત ખોરાક ખાવાનું ચલણ ઘણું વધી ગયું છે, જે લોહીમાં ખરાબ કોલેસ્ટ્રોલ જમા થવાનું મુખ્ય કારણ બને છે, જ્યારે ધમનીઓમાં બ્લોકેજ થાય છે હાર્ટ એટેક અને ટ્રિપલ વેસલ ડિસીઝનું જોખમ વધી જાય છે. આવી સ્થિતિમાં તેનાથી કેવી રીતે બચવું.

હાર્ટ એટેક અચાનક આવતો નથી, પરંતુ આ પહેલા આપણું હૃદય ઘણી સમસ્યાઓમાંથી પસાર થાય છે, જ્યારે સમસ્યા હાથમાંથી નીકળી જાય છે ત્યારે તે એક મોટો આંચકો મળે છે. હાર્ટ એટેક આવતા પહેલા આપણું શરીર ઘણા સંકેતો આપે છે, જેને ઈગ્નોર ન કરવુ જોઈએ. હાલમાં જ મહિલાઓ પર એક રિસર્ચ કરવામાં આવ્યું હતું, જે મુજબ આપણું શરીર હાર્ટ એટેકના 4 અઠવાડિયા પહેલા ખતરાના સંકેતો આપે છે.