31 ડિસેમ્બરથી કરી શકશો નહી ઓનલાઇન પેમેન્ટ! બંધ થઇ જશે UPI આઇડી

NPCI Guidelines: જો તમે Google Pay, Phone Pay અથવા Paytm જેવી UPI એપનો ઉપયોગ કરો છો, તો તમારે એક વાત ધ્યાનમાં રાખવી પડશે. જો તમે 31મી ડિસેમ્બર 2023 સુધી તમારા કોઈપણ યુપીઆઈ આઈડીથી કોઈ વ્યવહાર નહીં કરો, તો તે આઈડી બંધ થઈ જશે. નેશનલ પેમેન્ટ કોર્પોરેશન ઓફ ઈન્ડિયા (NPCI) એ આ સંબંધમાં એક પરિપત્ર બહાર પાડ્યો છે. આ સર્ક્યુલરમાં કહેવામાં આવ્યું છે કે એક વર્ષથી એક્ટિવેટ ન થયેલા તમામ UPI ID 31 ડિસેમ્બર, 2023થી બંધ થઈ જશે. આનો અર્થ એ છે કે જો તમે તમારા UPI ID થી એક વર્ષ સુધી કોઈ ચુકવણી કરી નથી, તો તમારે તેને ફરીથી સક્રિય કરવા માટે ફરીથી નોંધણી કરવી પડશે.

NPCI, એટલે કે નેશનલ પેમેન્ટ કોર્પોરેશન ઓફ ઈન્ડિયા, ભારતની બિન-લાભકારી સંસ્થા છે. તે ભારતની રિટેલ પેમેન્ટ અને સેટલમેન્ટ સિસ્ટમનું સંચાલન કરે છે. PhonePe, Google Pay અને Paytm જેવી તમામ UPI એપ NPCI માર્ગદર્શિકા પર કામ કરે છે.

આ એપ્સ દ્વારા થતા તમામ વ્યવહારો NPCI દ્વારા નિયંત્રિત થાય છે. NPCI કોઈપણ પ્રકારના વિવાદના કિસ્સામાં મધ્યસ્થી પણ કરે છે. આ સુનિશ્ચિત કરે છે કે UPI એપ્સ દ્વારા થતા તમામ વ્યવહારો સુરક્ષિત અને પારદર્શક છે.

નિયમો શું છે?
NPCI અનુસાર, આ પગલાનો હેતુ યૂઝર્સની સુરક્ષા વધારવાનો છે. ઘણી વખત યૂઝર્સ તેમના જૂના મોબાઇલ નંબરને ડિલિંક કર્યા વિના નવું UPI ID બનાવે છે. આ જૂના ID નો ઉપયોગ કરીને અન્ય કોઈ વ્યક્તિ છેતરપિંડી કરી શકે તે જોખમ વધારે છે. NPCI માને છે કે 1 વર્ષથી ઉપયોગમાં ન આવતા IDs બંધ કરવાથી આ જોખમ ઘટશે.