દિવથી અમદાવાદ આવતી લક્ઝરી લૂંટાતા ચકચાર, પોલીસ તંત્ર દોડતું થયું

અમદાવાદ : દિવથી અમદાવાદ વચ્ચે ખાનગી ટ્રાવેલ્સ કંપનીઓ દ્વારા બસનું નિયમીત સંચાલન કરવામાં આવે છે. વર્ષોથી આ કોસ્ટલ હાઇવે પર વર્ષોથી આ બસનું સંચાલન થાય છે. જો કે ક્યારે પણ આ વિસ્તારમાં કે ગુજરાતમાં લક્ઝરી લૂંટાવાની ઘટના એક દાયકાથી બની નથી. ત્યારે અચાનક ગાંગડા ચેકપોસ્ટ પાસે લકઝરી લૂંટવાની ઘટના બનતા ચકચાર મચી જવા પામી છે. ગાંગડા ચેકપોસ્ટ પહેલા જ આ લક્ઝરીને લૂંટી લેવામાં આવતા ચકચાર મચી ગઇ છે. 4 અજાણ્યા લોકો દ્વારા કરવામાં આવ્યો લૂંટનો પ્રયાસ.

ટ્રાવેલ્સ ઉભી રખાવીને લૂંટવાનો પ્રયાસ કરવામાં આવ્યો હતો. જો કે ક્લિનરે પ્રતિકાર કરતા લૂંટારૂઓ ગભરાય હતા. જેથી લૂંટારાઓએ ક્લિનરને જ લૂંટી લીધો હતો. ઘટના સ્થળેથી ફરાર થઇ ગયા હતા. જેથી મુસાફરો તો બચી ગયા હતા પરંતુ ટ્રાવેલ્સનો ક્લિનર પણ લૂંટાઇ ગયો હતો. જો કે લૂંટની ઘટના બનતા જ પોલીસતંત્ર દોડતું થયું છે. તત્કાલ ઘટના સ્થળે પોલીસનો મોટો કાફલો પહોંચી ગયો હતો. હાલ તો આસપાસના ગામોમાં સર્ચ ઓપરેશન ચલાવાઇ રહ્યું છે. જ્યારે ક્લિનરની પોલીસ પુછપરછ કરી રહી છે.