અમરેલી: ચોરોને પકડતી પોલીસ જ ચોરી કરતા ઝડપાય, 2 ASI સહિત 12 જવાનો ઝડપાતા ચકચાર

અમરેલી : અમરેલી પોલીસનાં 2 ASI સહિત 12 જવાનોએ અમરેલીના ફરજ નિષ્ઠ પોલીસ શરમમાં મુકાય તેવી કુમ કરતા તેમની સામે તવાઇ બોલી છે. સરકારી આવાસોમાં રહેતા જવાનોએ જ એવું કામ કર્યું છે કે, તે જાણીને સામાન્ય માણસને આઘાત લાગે. ચોરોને પકડવા જતી પોલીસ અગાઉ લાંચકાંડમાં તો ખુબ જ બદનામ છે પરંતુ હવે પોતે જ ચોરી કરતી હોવાનું સામે આવતા વધારે શરમજનક સ્થિતીમાં મુકાઇ છે. અમરેલીના એસપી નિર્લિપ્ત રોય હરકતમાં આવ્યા છે અને તેમણે સપાટો બોલાવ્યો હતો. વિજ ચોરી કરતા પોલીસ કર્મચારીઓને ઝડપી લીધા હતા. 

ગુજરાતમાં વીજ ચોરીનો કડક કાયદો છે અને વીજચોરો વિરુદ્ધ ફોજદારી કાર્યવાહી થાય છે. આ કામ પોલીસનું છે. પોલીસ કાયદાથી સભાન છે. અમરેલીના 12 જવાનોએ સરકારી આવાસમાં વીજ ચોરી કરે છે. પોલીસ પોતે જ ચોરીમાં સંડોવાયેલી હોવાનું માલુમ પડતા અમરેલીનાં સુપ્રીટેન્ડેન્ટ ઓફ પોલીસ નિર્લિપ્ત રાયે તત્કાલ અસરથી ક્વાર્ટર ખાલી કરાવ્યા હોવાની માહિતી મળી છે. 

આ ઉપરાંગ બિનકાયદેસર કનેક્શન લેનારા જવાનોમાં શિવરાજ વાળા, શીવાભાઇ જાજળીયા, નારણભાઇ જાગસર (ASI), અરવિંદ ચૌહાણ, જ્યોત્સના ધમલ, હિતેશ દાન ભેવલીયા, ચંદનગીરી ગોસ્વામી (ASI) શ્રદ્ધા ગરૈયા, રવિરાજ ખુમાણ, પારૂલ ગોરધનભાઇ, રતન જાદન, પારસ ધડુકનો સમાવેશ થાય છે. આ તમામ લોકો સામે એસપી દ્વારા કાર્યવાહીનો આદેશ અપાયો છે. 

એસ.પી નિર્લિપ્ત રાયે એક યાદીમાં જણાવ્યું કે, તમામ કર્મચારીઓએ ગુનાકીય ગેરકૃત્ય અને ગેરવર્તણુંક આચરેલી હોવાથી તેમને પોલીસ લાઇનમાંથી લાઇન આઉટ કરવામાં આવ્યા છે. આ ઉપરાંત આગામી દિવસોમાં કર્મચારીઓને ક્વાર્ટર ખાલી કરવા માટેનો આદેશ પણ અપાશે. તમામ વિરુદ્ધ કડક કાર્યવાહીનો આદેશ અપાયો છે.