Video: મોરબી બાદ મહારાષ્ટ્રમાં બ્રિજ તૂટ્યો, 60 ફૂટ ઉંચેથી પટકાયા લોકો, 20 વધુ ઇજાગ્રસ્ત

Foot over Bridge Collapse: મહારાષ્ટ્રના ચંદ્રપુરમાં એક મોટો અકસ્માત સર્જાયો છે. અહીં ફૂટ ઓવર બ્રિજનો એક ભાગ ઢળી પડ્યો છે. આ અકસ્માતમાં અનેક લોકો ઘાયલ થયા હોવાના સમાચાર છે. ઘટના બલ્લારશાહ રેલવે સ્ટેશનની છે. રાહત અને બચાવ દળ તથા પોલીસની ટીમ ઘટનાસ્થળે રવાના થઇ ગઇ છે. 

આ ઘટના દરમિયાન અનેક યાત્રીઓ બ્રિજ પરથી નીચે પટકાયા છે. પ્રાપ્ત માહિતી અનુસાર બ્રિજની ઉંચાઇ લગભગ 60 ફૂટ હતી. એટલે કે 60 ફૂટ ઉંચાઇથી લોકો નીચે પટકાયા હતા.  

#WATCH | Slabs fall off of a foot over bridge at Balharshah railway junction in Maharashtra's Chandrapur; people feared injured pic.twitter.com/5VT8ry3ybe

— ANI (@ANI) November 27, 2022

તમને જણાવી દઇએ કે આ આ અકસ્માતમાં લગભગ 20 યાત્રીઓને ગંભીર ઇજાઓ પહોંચી છે. જેમાં 8 લોકોની હાલત નાજૂક હોવાનું કહેવામાં આવી રહ્યું છે. અત્રે ઉલ્લેખનીય છે કે કાજીપેટ પૂણે એક્સપ્રેસ પકડવા માટે ઘણા મુસાફરો 1 નંબર પ્લેટફોર્મ પરથી 4 નંબર પ્લેટફોર્મ જઇ રહ્યા હતા. ત્યારે અચાનક આ પુલ ઢળી પડ્યો હતો. ઘાયલ મુસાફરોને હોસ્પિટલ પહોંચાડવામાં આવ્યા છે. રાહત અને બચાવ દળ તથા પોલીસની ટીમ ઘટનાસ્થળે રવાના થઇ ગઇ છે.