Karnataka Assembly Election 2023: કોંગ્રેસે 124 ઉમેદવારોની યાદી જાહેર કરી, આ રહ્યું લિસ્ટ

Karnataka Election 2023: કોંગ્રેસે કર્ણાટક વિધાનસભા ચૂંટણી 2023 માટે તેના ઉમેદવારોની પ્રથમ યાદી જાહેર કરી છે. કોંગ્રેસે 124 ઉમેદવારોના નામ જાહેર કર્યા છે. કોંગ્રેસના ઉમેદવારોની પ્રથમ યાદીમાં પૂર્વ મુખ્યમંત્રી સિદ્ધારમૈયા અને દિગ્ગજ નેતા ડીકે શિવકુમારના નામ સામેલ છે. કર્ણાટકમાં કુલ 224 વિધાનસભા સીટો છે. કર્ણાટકમાં હાલ ભાજપ સત્તા પર છે. કોંગ્રેસ ફરી એકવાર કર્ણાટક સરકારમાં પરત ફરવાની આશા સેવી રહી છે. છેલ્લી વિધાનસભા ચૂંટણીમાં ભાજપ સૌથી મોટી પાર્ટી બની હતી, પરંતુ બહુમતીથી ઓછી પડી હતી. આ પછી રાજ્યમાં કોંગ્રેસ અને જેડીએસ ગઠબંધનની સરકાર બની. જો કે, આ ગઠબંધન સરકાર 5 વર્ષ સુધી ટકી શકી નહીં અને ભાજપ ફરી સત્તામાં આવી.

કોંગ્રેસની યાદીમાં મોટા નામો
કોંગ્રેસે કર્ણાટકના મુખ્યમંત્રી સિદ્ધારમૈયાને વરુણા સીટથી અને વરિષ્ઠ નેતા ડીકે શિવકુમારને કનકપુરથી મેદાનમાં ઉતારવાનો નિર્ણય કર્યો છે. આ ઉપરાંત રામદુર્ગથી અશોક એમ, હુક્કેરીથી એબી પાટીલ અને ખાનપુરથી ડો. અંજલિ કોંગ્રેસ તરફથી મેદાનમાં ઉતરશે.

આ પણ વાંચો:
ZEE 24 કલાકના એડિટર દીક્ષિત સોનીને મળશે આચાર્ય તુલસી સન્માન પુરસ્કાર
1 એપ્રિલથી Online Game રમવી પડશે મોંઘી, આ નિયમ લાગુ થવાથી ખિસ્સા પર ફરશે કાતર
આજે આ ત્રણ રાશિના લોકોને મળી શકે છે શુભ સમાચાર, જાણો તમારો દિવસ કેવો રહેશે

Congress party announces the first list of 124 candidates for Karnataka Assembly Elections.

Names of former CM Siddaramaiah, and State party president DK Shivakumar are present in the first list. pic.twitter.com/TC9vXJfrX5

— ANI (@ANI) March 25, 2023

મલ્લિકાર્જુન ખડગેના પુત્ર પ્રિયાંકને ટિકિટ
જામખંડીથી આનંદ ન્યામાગૌડા, બાબલેશ્વરથી એમબી પાટીલ, ચિતાપુરાથી પ્રિયાંક ખડગે, ચિંચોલીથી સુભાષ રાઠોડ, ગુલબર્ગ ઉત્તરથી કનીજ ફાતિમા, કોપ્પલથી કે રાઘવેન્દ્ર, હુબલી ધારવાડ ઈસ્ટથી પ્રસાદ અને સાગરથી ગોપાલકૃષ્ણ કોંગ્રેસના ઉમેદવાર હશે.

આ ઉમેદવારો પર લગાવ્યો દાવ
કોંગ્રેસ દ્વારા શૃંગેરીથી ટીડી રાજગૌડા, મધુગીરીથી કેએન રંજના, બાગાપલ્લીથી સુબ્બા રેડ્ડી, ચિંતામણિથી એમસી સુધાકર, કોલાર ગોલ્ડ ફિલ્ડ્સથી રૂપકલા એમ, શ્રીનિવાસપુરથી રમેશ કુમાર, માલુરથી નાન્જે ગૌડા, સર્વગંગાનગરથી કેજે જ્યોર્જ, શિવાજીનગરથી રિઝવાન અરશદ અને શાંતિ નગરથી એન.એ.હરિસને ઉમેદવાર બનાવવામાં આવ્યા છે.