Cyclone Biparjoy: પ્લેનમાં મુસાફરી ટાળજો, કેન્સલ થઈ શકે છે ફ્લાઈટો, 72 ગામના 8000 લોકોને અપાઈ એલર્ટ

દરિયાકાંઠાના વિસ્તારોમાં ફરી એકવાર ચક્રવાતી તોફાન 'બિપરજોય'નો ખતરો તોળાઈ રહ્યો છે. હવામાન વિભાગની વાત માનીએ તો આવતીકાલે બિપરજોયે વધુ ભયાનક સ્વરૂપ ધારણ કર્યું છે. જેને લઈને સૌરાષ્ટ્ર-કચ્છના છ જિલ્લાઓને એલર્ટ પર રાખવામાં આવ્યા છે. હવામાન વિભાગના જણાવ્યા અનુસાર, અત્યંત ખતરનાક ચક્રવાત બિપરજોય 15 જૂને કચ્છ જિલ્લા અને પાકિસ્તાનના કરાચી વચ્ચે લેન્ડફોલ કરે તેવી શક્યતા છે. દરમિયાન, ખરાબ હવામાનને કારણે ગઈકાલે મુંબઈ એરપોર્ટ પર ઘણી ફ્લાઈટ્સ મોડી પડી હતી.

હવામાન વિભાગના જણાવ્યા અનુસાર કચ્છ, જામનગર, મોરબી, ગીર સોમનાથ, પોરબંદર અને દેવભૂમિ દ્વારકા જે જિલ્લાઓને એલર્ટ પર રાખવામાં આવ્યા છે. આ જિલ્લાઓ 13-15 જૂન દરમિયાન ભારે વરસાદ અને ખૂબ જ તીવ્ર પવનની ઝડપ સાથે ચક્રવાતી તોફાનથી પ્રભાવિત થવાની સંભાવના છે, જે 150 કિમી પ્રતિ કલાક સુધી પહોંચી શકે છે. ચક્રવાતના વધતા ખતરાને જોતા 1500થી વધુ લોકોનું સ્થળાંતર કરાયું છે. માછીમારોને 15 જૂન સુધી દરિયાકાંઠે જવાની ચેતવણી આપવામાં આવી છે.

#WATCH Cyclone Biparjoy | High tide hits coastal area of Kachchh in Gujarat.

(Visuals from Mandvi Beach) pic.twitter.com/PdXCFQTZlr

— ANI (@ANI) June 12, 2023

દેવભૂમિ દ્વારકાના જિલ્લા ડેપ્યુટી કમિશનર અશોક શર્માનું કહેવું છે કે ચક્રવાત બિપરજોયની અસરને ધ્યાનમાં રાખીને શાળાઓને 15 જૂન સુધી બંધ રાખવાનો આદેશ આપવામાં આવ્યો છે. તેમણે કહ્યું કે હવામાન વિભાગે માહિતી આપી છે કે 13 અને 15 જૂનની વચ્ચે ખૂબ જ તીવ્ર પવનની ગતિ સાથે ચક્રવાતથી પ્રભાવિત થવાની સંભાવના છે, જે 125 કિમી પ્રતિ કલાકની ઝડપે જઈ શકે છે. જેના કારણે દેવભૂમિમાં ભારે વરસાદ પડી શકે છે. તેથી તમામ જરૂરી પગલાં લેવામાં આવ્યા છે.

જણાવી દઈએ કે, દેવભૂમિ દ્વારકાના કચ્છ અને શિવરાજપુરના માંડવી બીચને લોકો માટે બંધ કરી દેવામાં આવ્યા છે. આ સાથે ઓખા બેટ દ્વારકા જવા માટે બોટની મુસાફરી પર પણ પ્રતિબંધ મુકવામાં આવ્યો છે.

આ ઉપરાંત કચ્છના ડેપ્યુટી કમિશનર અમિત અરોરાએ જણાવ્યું હતું કે 72 ગામોના આઠ હજારથી વધુ લોકોને એલર્ટ કરવામાં આવ્યા છે. અરોરાએ કહ્યું કે ગાંધીધામ, માંડવી, અબડાસા, લખપત તાલુકા વગેરે ગામોના લોકોને સતર્ક રહેવા માટે કહેવામાં આવ્યું છે. આ ગામો દરિયાથી પાંચ કિમીના અંતરે આવેલા છે. તેમણે કહ્યું કે અમે પરિસ્થિતિને જોતા NDRF અને SDRF ટીમ તૈનાત કરી છે. જ્યારે જામનગર, મોરબી અને કચ્છ જિલ્લામાં આગામી દિવસ સુધી ટીમોની નજર રહેશે.

ફ્લાઇટ મોડી, મુસાફરોને રાહ જોવી પડી

ખરાબ હવામાનને કારણે મુખ્ય રનવે અસ્થાયી રૂપે બંધ કરવો પડ્યો હતો. જેના કારણે મુંબઈ એરપોર્ટ પર અનેક ફ્લાઈટ્સ મોડી પડી હતી. ત્યારે રવિવારે રાત્રે મુસાફરોને કલાકો સુધી રાહ જોવી પડી હતી. ભારતીય હવામાન વિભાગે સોમવારે મુંબઈમાં વરસાદ અને વાવાઝોડાની આગાહી કરી છે કારણ કે ચક્રવાત બિપરજોય એક 'અત્યંત ગંભીર ચક્રવાત વાવાઝોડા'માં તીવ્ર બન્યું છે અને 15 જૂને પશ્ચિમ કિનારે ત્રાટકે તેવી ધારણા છે.

ફ્લાઈટના મુસાફરો માહિતી મેળવવા માટે અહીં-તહીં દોડતા જોવા મળ્યા હતા. આ બધાને ધ્યાનમાં રાખીને, એર ઈન્ડિયાએ ટ્વિટ કર્યું કે ખરાબ હવામાનને કારણે, મુંબઈ એરપોર્ટ પર રનવે 09/27ને અસ્થાયી રૂપે બંધ કરવામાં આવ્યો હતો. આથી કેટલીક ફ્લાઇટ્સ મોડી પડશે અને કેટલીક રદ કરવામાં આવી છે. દરમિયાન, અકાસા એરએ જણાવ્યું હતું કે ફ્લાઇટ QP 1367 મુંબઈ-બેંગલુરુ મુંબઈ એરપોર્ટ પર હવાઈ ટ્રાફિકની ભીડને કારણે વિલંબિત થઈ હતી.

Utter chaos @AkasaAir at Mumbai Airport. Flight to Bangalore is twice delayed and gate changed FIVE times. Making people look jokers and run around the airport with luggage! Beyond ridiculous! Such shame! 8.15 new take off time and boarding yet to begin! Ppl furious now! pic.twitter.com/C4KolqJPRo

— Boris D'Souza (@boris_dsouza) June 11, 2023

સોશિયલ મીડિયા પર હોબાળો

એક યુઝરે ટ્વિટ કર્યું કે મુંબઈ એરપોર્ટ પર અકાસા એરમાં સંપૂર્ણ અરાજકતા. બેંગલુરુ જતી ફ્લાઈટ બે વખત મોડી પડી હતી. ગરીબ લોકો પોતાનો સામાન લઈને અહીંથી ત્યાં દોડી રહ્યા હતા. આ કેટલું ખરાબ છે? કેટલુ શરમજનક. જ્યારે અન્ય એક વ્યક્તિએ એક વીડિયો પોસ્ટ કર્યો જેમાં એક મહિલા મુંબઈ એરપોર્ટ પર ઈન્ડિગો એરલાઈન્સ સ્ટાફ સાથે દલીલ કરતી જોઈ શકાય છે.