હરિયાણા: 8 હવસખોરો ગર્ભવતી બકરી પર તૂટી પડ્યાં, ગેંગરેપ કરી મોત નિપજાવ્યું

નવી દિલ્હી: હરિયાણાના મેવાતથી એક ચોંકાવનારા સમાચાર સામે આવ્યાં છે. પોલીસે 8 લોકો દ્વારા એક બકરી સાથે ગેંગરેપની ઘટનાનો ખુલાસો કર્યો છે. આરોપ છે કે બળાત્કારના એક દિવસ બાદ બકરીનું મોત થઈ ગયું. બકરીના માલિકે 26 જુલાઈના રોજ પોલીસમાં આ ફરિયાદ દાખલ કરી હતી. ત્યારબાદ હવે તેની તપાસ થઈ રહી છે. મીડિયામાં ચાલી રહેલા અહેવાલો મુજબ આ શરમજનક વારદાત મેવાતના મરોડા ગામની હોવાનું કહેવાય છે. 

એવું પણ કહેવાય છે કે આ મામલાની જાણ થતા ગ્રામીણોએ ગેંગરેપના 3 આરોપીઓને પકડીને ખુબ માર માર્યો હતો. પરંતુ ભીડે તેમને પોલીસને હવાલે કરવાની જગ્યાએ છોડી દીધા હતાં. આ બાજુ પોલીસનું કહેવું છે કે તમામ આરોપીઓ ભાગી ગયા છે. મૃત બકરીનો મેડિકલ ટેસ્ટ કરાવવામાં આવી રહ્યો છે અને તપાસ ચાલુ છે. 

One person, Aslu registered a complaint on July 26 that his goat was gang-raped on the night of July 25 by Savakar, Haroon, Jaffar and five others whose identities are yet to be ascertained: Nagina police station in charge (SI) Rajbir Singh. #Haryana pic.twitter.com/gEClo5SVxc

— ANI (@ANI) July 28, 2018

મેવાતના નગીના પોલીસ સ્ટેશનના સબ ઈન્સ્પેક્ટર રાજબીરે જણાવ્યું કે એક વ્યક્તિ અસલૂએ 26 જુલાઈના રોજ ફરિયાદ કરી છે કે તેની બકરી સાથે 25 જુલાઈના રોજ સવકર, હારુન, ઝફર અને અન્ય પાંચ લોકોએ ગેંગરેપ કર્યો. અન્ય પાંચની ઓળખ થઈ શકી નથી.