Corona: ઘર પર આઇસોલેટ છો તો આ રીતે ચેક કરો Oxygen, સરકારે જાહેર કરી ગાઇડલાઇન

નવી દિલ્હીઃ COVID-19 દર્દીઓનું ઓક્સિજન લેવલ  (Oxygen Level) ટ્રેક કરવાની રીતે વિશે કેન્દ્રએ ગાઇડલાઇન જાહેર કરી છે. સાચી રીતે ઓક્સિજન ટ્રેક કરવાથી તે સ્પષ્ટ થઈ શકે છે કે દર્દીને હોસ્પિટલમાં દાખલ કરવાની જરૂર છે કે નહીં. સરકારે આ ગાઇડલાઇન હોસ્પિટલમાં ઓક્સિજન કમીના અહેવાલો બાદ જારી કરી છે. 

The pulse oximeter is used to measure the oxygen level (oxygen saturation) of the blood. But do you know how does it work? Take a look! #IndiaFightsCorona pic.twitter.com/YAToaH8hIq

— MyGovIndia (@mygovindia) April 24, 2021

ઘર પર આ રીતે ચેક કરો ઓક્સિજન
1. ઓક્સિમીટર (oximeter) થી ઓક્સિજન લેવલ ચેક કરતા પહેલા તમારી આંગળી પર નેઇલ પોલિશ ન હોવી જોઈએ. નખ સાફ હોવા જોઈએ. જો હાથ ઠંડા છે તો બન્ને હાથ ઘસીને પહેલા ગરમ કરો.

2. ઓક્સિજન માપતા પહેલા ઓછામાં ઓછા પાંચ મિનિટ માટે આરામ કરવો જોઈએ. 

3. દિલની તરફ છાતી પર પોતાનો હાથ રાખો. પછી ઓક્સિમીટર ઓન કરો અને ઓક્સિમીટરમાં મધ્ય  (middle) કે તર્જરી  (index finger) આંગળી રાખો. 

4. શરૂઆતમાં ઉતાર-ચઢાવ હોઈ શકે છે, તેથી ઓક્સિજન લેવલ સ્થિર થવાની રાહ જુઓ. જ્યાં સુધી રીડિંગ સ્થિર ન થાય ત્યાં સુધી ઓક્સિમીટરને ઓછામાં ઓછી એક મિનિટ કે તેનાથી વધુ સમય ઓન રાખો. 

5. દિવસમાં ચાર વખત નિયમિત અંતરે ઓક્સિજન લેવલ ચેક કરતા રહો કે દર ચાર-ચાર કલાકમાં. પ્રત્યેર રેકોર્ડિંગની નોંધ કરો. 

6. ઓક્સિજન લેવલ ઠીક રહે તે માટે ઘર પર 4-5 ઓશિકાના સહારે ઉંધા સુઈ શ્વાસ લો. કોરોના દર્દીઓ માટે ઓક્સિજનનું સ્તર મહત્વનું છે, તે 94થી નીચે ન હોવું જોઈએ. 

7. કોરોના દર્દીઓએ 6 મિનિટનો વોક ટેસ્ટ કરવો જોઈએ. એટલે કે રૂમની અંદર છ મિનિટ પહેલા ચાલો અને પછી ઓક્સિજન ચેક કરો. જો તેમાં ચાર ટકાથી વધુ ચઢાવ-ઉતાર થાય તો ડોક્ટરોની સલાહ પર હોસ્પિટલમાં દાખલ થવાની જરૂર પડે છે.