Corona સંક્રમણ જોતા વધુ એક પરીક્ષા સ્થગિત, ડો. હર્ષવર્ધને કરી જાહેરાત

નવી દિલ્હીઃ દેશમાં કોરોના વાયરસના સતત વધી રહેલા કેસે ચિંતા ઉભી કરી છે. છેલ્લા 24 કલાકમાં 2 લાખથી વધુ કેસ સામે આવ્યા જે એક રેકોર્ડ છે. કેન્દ્ર સરકાર કોરોના સંક્રમણને અટકાવવા માટે અનેક પ્રયાસ કરી રહી છે. તો ગઈકાલે સરકારે CBSE ધોરણ 10ની બોર્ડની પરીક્ષા સ્થગિત કરી હતી અને ધોરણ 12ની પરીક્ષાવ સ્થગિત કરી હતી. હવે કેન્દ્રએ વધુ એક પરીક્ષા સ્થગિત કરવાનો નિર્ણય લેવામાં આવ્યો છે. કોરોનાના વધતા કેસને જોતા નીટ પીજી પ્રવેશ પરીક્ષા ટાળી દેવામાં આવી છે. 

કેન્દ્રીય સ્વાસ્થ્ય મંત્રીએ કરી જાહેરાત
કેન્દ્રીય સ્વાસ્થ્ય મંત્રી ડો. હર્ષવર્ધને જાહેરાત કરી કે આગામી 18 એપ્રિલે યોજાનાર નીટ પીજી પ્રવેશ પરીક્ષા ટાળી દેવામાં આવી છે. આગામી દિવસોમાં આ પરીક્ષાની નવી તારીખ જાહેર કરવામાં આવશે. 

In light of the surge in #COVID19 cases, Government of India has decided to postpone the National Eligibility cum Entrance Test-Postgraduate exam which was earlier scheduled to be held on April 18. Next date to be decided later: Union Health Minister Dr Harsh Vardhan#NEETPG2021 pic.twitter.com/X8cHw6436U

— ANI (@ANI) April 15, 2021

ધોરણ-10ની પરીક્ષા રદ્દ, 12ની સ્થગિત
કેન્દ્રીય શિક્ષણ મંત્રી રમેશ પોખરિયાલ નિશંકે (Education Minister Ramesh Pokhriyal 'Nishank') બુધવારે ટ્વીટ જાણકારી આપી હતી કે, સીબીએસઈ ધોરણ 12ની પરીક્ષા જૂનમાં લેવાશે. તેની તારીખ 1 જૂને જાહેર કરવામાં આવશે. ત્યારે દેશની સ્થિતિને જોતા નિર્ણય કરવામાં આવશે. તો ધોરણ 10ની પરીક્ષા સ્થગિત કરવામાં આવી છે.