JAMMU AND KASHMIR: 15 ઓગસ્ટ પહેલા મોટી આતંકી ઘટના, BJP ના નેતા અને તેમના પત્નીની ગોળી મારી હત્યા કરાઈ

શ્રીનગર: જમ્મુ અને કાશ્મીરના અનંતનાગમાં આતંકવાદીઓએ નાપાક હરકતને અંજામ આપ્યો. શહેરના લાલ ચોક પર આતંકીઓએ ભાજપ નેતા ગુલામ રસૂલ ડાર અને તેમના પત્ની પર ફાયરિંગ કર્યું. બંનેને સારવાર માટે હોસ્પિટલ લઈ જવાયા પણ ત્યાં તેમનું મોત થઈ ગયું. 

કુલગામ કિસાન મોરચા અધ્યક્ષની હત્યા
જમ્મુ અને કાશ્મીરના અનંતનાગ જિલ્લામાં આતંકવાદીઓએ સોમવારે ભારતીય જનતા પાર્ટી સાથે જો઼ડાયેલા સરપંચ અને તેમના પત્નીની હત્યા કરી નાખી. એક પોલીસ અધિકારીએ જણાવ્યું કે આતંકવાદીઓએ દક્ષિણ કાશ્મીરના અનંતનાગમાં સરપંચ અને ભાજપ કિસાન મોરચાની કુલગામ જિલ્લા શાખાના અધ્યક્ષ ગુલામ રસુલ ડાર અને તેમના પત્ની પર ફાયરિંગ કર્યું. 

#UPDATE | Gulam Rasool Dar, Kulgam BJP Kisan Morcha president, and his wife died in an attack by terrorists in Anantnag: Jammu & Kashmir BJP leader Altaf Thakur

(Visuals from the spot, deferred by unspecified time) pic.twitter.com/1bV80iKFKb

— ANI (@ANI) August 9, 2021

જિલ્લા વિકાસ પરિષદની પણ લડી હતી ચૂંટણી
અધિકારીઓએ જણાવ્યું કે બંનેને ઘાયલ અવસ્થામાં હોસ્પિટલ લઈ જવાઈ રહ્યા હતા પરંતુ રસ્તામાં જ તેમણે દમ તોડ્યો. કુલગામના રેડવાનીના રહીશ ડાર ભાજપ સમર્થિત સરપંચ હતા. તેમણે ગત વર્ષે જિલ્લા વિકાસ પરિષદની ચૂંટણી પણ લડી હતી પરંતુ હારી ગયા હતા. ડાર હાલ અનંતનાગમાં ભાડાના મકાનમાં રહેતા હતા.