Karnataka Election 2023: શું ભાજપે કર્ણાટકમાં આ વરિષ્ઠ નેતાને ટિકિટ ન આપવાનું બનાવ્યું છે મન?

Karnataka BJP: કર્ણાટક ભાજપના વરિષ્ઠ નેતા કે.એસ. ઇશ્વરપ્પાને વિધાનસભાની ટિકિટ આપવા અંગે હજુ કોઇ નિર્ણય લેવામાં આવ્યો નથી. પાર્ટીના સૂત્રોએ પુષ્ટિ આપી છે કે પાર્ટીએ તેમને ટિકિટ ન આપવાનો નિર્ણય પહેલેથી જ લઈ લીધો છે અને નવા ચહેરાની શોધમાં છે.

ઇશ્વરપ્પા ભાજપમાં કુરુબા સમુદાયનો ચહેરો છે. તેઓ કટ્ટર હિન્દુત્વવાદી નેતા પણ છે. લાલ કિલ્લા પર 'ભગવો' ધ્વજ ફરકાવવા, અઝાન અને લઘુમતી વિરોધી ખાસ કરીને મુસ્લિમ કટ્ટરવાદ વિરુદ્ધના તેમના નિવેદનો ચર્ચામાં રહ્યા છે.

ઈશ્વરપ્પા તેમના પુત્ર માટે લોબિંગ કરી રહ્યા છે
ઈશ્વરપ્પા અને યેદિયુરપ્પા સમકાલીન છે. સૂત્રોએ જણાવ્યું કે પાર્ટીનું માનવું છે કે જ્યારે યેદિયુરપ્પાને ચૂંટણીની રાજનીતિમાં ચાલુ રાખવાની તક નકારી દેવામાં આવી છે ત્યારે ઈશ્વરપ્પાને પણ તક આપવામાં આવશે નહીં. જો કે ઇશ્વરપ્પાએ પોતાના પુત્ર કંટેશને ટિકિટ માટે લોબિંગ શરૂ કરી દીધું છે.

ઈશ્વરપ્પા શિવમોગા સિટી એસેમ્બલી સીટનું પ્રતિનિધિત્વ કરે છે. તેમણે રાજકીય પીઢ નેતા કે.એચ. શ્રીનિવાસને હરાવીને રાજકીય કારકિર્દીની શરૂઆત કરી હતી. તેમણે નાયબ મુખ્યમંત્રી તરીકે પણ સેવા આપી હતી.

અંદરથી આવું દેખાય છે નીતા-મુકેશ અંબાણીનું NAMCC, આ Photos માં ભવ્યતા જોઈ લેજો

ઇશ્વરપ્પાએ કેબિનેટમાંથી રાજીનામું આપવું પડ્યું
કોન્ટ્રાક્ટર અને ભાજપના નેતા સંતોષ પાટીલની આત્મહત્યાને પગલે ઈશ્વરપ્પાએ મુખ્ય પ્રધાન બસવરાજ બોમાઈની કેબિનેટમાંથી રાજીનામું આપવું પડ્યું હતું. પાટીલે પોતાની સુસાઈડ નોટમાં ઈશ્વરપ્પાને તેમની હાલત માટે જવાબદાર ગણાવ્યા હતા. જોકે, ત્યારપછીની તપાસમાં તેને ક્લિનચીટ મળી હતી.

ક્લિન ચિટ છતાં ઇશ્વરપ્પા કેબિનેટમાં પરત ફરી શક્યા નથી. પાર્ટી તેમની સેવાઓનો સંગઠનાત્મક પ્રવૃત્તિઓ માટે ઉપયોગ કરવાનું વિચારી રહી છે. યેદિયુરપ્પાના નજીકના સ્થાનિક નેતા અયાનુર મંજુનાથ ટિકિટના દાવેદાર છે. પાર્ટીના સૂત્રોએ જણાવ્યું કે સામાજિક કાર્યકર, સાધન સંપન્ન વ્યક્તિ અને સંઘ પરિવારના નજીકના ધનંજયને ટિકિટ મળી શકે છે.