Mystical Place: સગા ભાઈ-બહેન સાથે ગયા તો બની જશે પતિ-પત્ની, જાણો શું છે Lanka Minar નું રહસ્ય

જલાઉન: પોતાની સંસ્કૃતિ માટે સમગ્ર વિશ્વમાં પ્રખ્યાત ભારત પ્રાચીન કાળથી ઋષિઓનો દેશ રહ્યો છે. કદાચ એટલે જ અહીં કેટલીક એવી અદ્ભુત ધાર્મિક માન્યતાઓ છે, જેને સાંભળીને લોકો આશ્ચર્યચકિત થઈ જાય છે. આવી જ કેટલીક માન્યતા ઉત્તર પ્રદેશના (Uttar Pradesh) જલાઉન (Jalaun) સાથે પણ સંબંધિત છે.

લંકા મિનારનું રહસ્ય
અહીં સ્થિત એક મીનાર વિશે કહેવામાં આવે છે કે, ત્યાં ભાઈ-બહેનને એક સાથે જવું જોઇએ નહીં. જો સગા ભાઈ-બહેન એક સાથે ત્યાં જાય છે તો તેઓ પતિ-પત્ની જેવા બની જાય છે. જી હા, આ મીનારને લંકા મીનારના નામથી ઓળખવામાં આવે છે, જે જલાઉનના કાલપીમાં સ્થિત છે. કાલપીનો આ મીનાર 210 ફૂટ ઉંચો છે. તેને 1857 માં મથુરા પ્રસાદ નિગમે બનાવ્યો હતો. લંકા મીનાર વિષે કહેવામાં આવે છે કે, આ મીનારને બનાવવામાં 20 વર્ષથી વધુનો સમય લાગ્યો હતો. અહીં ભાઈ-બહેનને એક સાથે જવા પર પ્રતિબંધ છે અને તેનું કારણ છે કે, મીનારની સંરચના કહેવાય છે.

આ પણ વાંચો:- VIDEO: મહારાજા રણજીત સિંહની પ્રતિમા સાથે તોડફોડ, ઇસ્લામિક પાર્ટીના સભ્ય પર આરોપ

સગા ભાઈ-બહેન બની જાય છે પતિ-પત્ની
ખરેખર, મીનારની ટોચ પર પહોંચવા માટે 7 રાઉન્ડમાંથી પસાર થવું પડે છે. આ 7 રાઉન્ડ પતિ-પત્નીના સાત ફેરા સાથે સંબંધિત છે. એવું કહેવામાં આવે છે કે જો સગા ભાઈ-બહેનો એક સાથે મીનારની ટોચ પર જાય છે, તો તેમને 7 રાઉન્ડમાંથી પસાર થવું પડશે અને તેના કારણે તેઓ પતિ-પત્ની જેવા બની જશે. આ જ કારણ છે કે ભાઈ-બહેનને એક સાથે અહીં આવવા પર પ્રતિબંધ છે. જલાઉનમાં રહેતા લોકો આજે પણ આ પરંપરાને અનુસરે છે અને અન્ય લોકોને પણ તેનું પાલન કરવાનું કહે છે. આ પરંપરાને કારણે આ ટાવર સમગ્ર દેશમાં પ્રખ્યાત છે.

આ પણ વાંચો:- સરકારે ફેમેલી પેન્શનની મર્યાદા વધારી, 1.25 લાખ રૂપિયા મળશે મહિને પેન્શન

100 ફૂટનો કુંભકર્ણ, 65 ફૂટનો મેઘનાથ
તમને જણાવી દઈએ કે મથુરા પ્રસાદ રામલીલામાં રાવણની ભૂમિકા ભજવતો હતો. વર્ષો સુધી આ કામ કરવાને કારણે તેમની ઓળખ આ નામ સાથે જોડાયેલી હતી. આ જ કારણ છે કે તેમણે લંકા મિનારનું નિર્માણ કર્યું. તે સમયે 1857 માં બનેલા આ મીનારને બનાવવા માટે 1 લાખ 75 હજાર રૂપિયાથી વધુ ખર્ચ કરવામાં આવ્યો હતો. આ સંકુલમાં એક શિવ મંદિર પણ છે, જે એવી રીતે બનાવવામાં આવ્યું હતું કે રાવણ દરેક ક્ષણે ભોલેનાથને જોઈ શકે. અહીં 100 ફૂટના કુંભકર્ણ અને 65 ફૂટ ઉંચા મેઘનાથની પ્રતિમાઓ છે.