Mumbai: NCB એ આ અભિનેતાના ત્યાં પાડી રેડ, ડ્રગ પેડલર સાથે કનેક્શનનો આરોપ

મુંબઇ: NCB Raid On Armaan Kohli Residence:નાર્કોટિક્સ કંટ્રોલ બ્યૂરો (NCB) એ મુંબઇ (Mumbai) માં અભિનેતા અરમાન કોહલી (Armaan Kohli) ના ઘરે રેડ પાડી છે. એક ડ્રગ પેડલર સાથે કનેક્શનના આરોપમાં તેમના ઘરે રેડ પાડી છે. શુક્રવારે રાત્રે એનસીબીએ એક ડ્રગ પેડલરને પકડ્યો હતો. તેની પૂછપરછ બાદ મળેલા પુરાવાઓને આધારે આ રેડ પાડવામાં આવી છે. 

શુક્રવારે ટીવી અભિનેતા ગૌરવ દીક્ષિતની થઇ હતી ધરપકડ
એનસીબીએ શુક્રવારે ટેલિવિઝન એક્ટર ગૌરવ દીક્ષિતની ધરપકડ કરવામાં આવી. ગૌરવની ડ્રગ્સના કેસમાં ધરપકડ કરવામાં આવી. ગૌરવના ઘરની થોડીવાર પહેલાં એનસીબીએ રેડ દરમિયાન એમડી ડ્રગ્સ ચરસ અને બીજા ડ્રગ્સ મળી આવ્યા હતા. ગૌરવની ધરપકડ ફિલ્મ કલાકાર એજાજ ખાન સાથે પૂછપરછના આધારે થઇ. 

માર્ચમાં અભિનેતા એજાજ ખાનની થઇ હતી ધરપકડ
અત્રે ઉલ્લેખનીય છે કે ડ્રગ્સ કેસ (Drugs Case) માં એનસીબીએ માર્ચ મહિનામાં અભિનેતા એજાજ ખાનની ધરપકડ કરવામાં આવી હતી. ડ્રગ્સના કેસમાં ડ્રગ પેડલર શાદાબ બટાટાની ધરપકડ બાદ અભિનેતા એજાજ ખાનનું નામ સામે આવ્યું હતું.