બિહાર: રસ્તે જઇ રહેલા બાળકોને બોલેરોએ ઉડાવતા 9નાં મોત

મુજફ્ફરપુર : બિહારનાં મુજફ્ફરપુરમાં શનિવારે એક ખુબ જ ઝડપથી આવી રહેલી બોલેરો કારે બાળકોને કચડી નાખ્યા હતા. આ ઘટનામાં 9 બાળકોનાં મોત થઇ ચુક્યા છે જ્યારે 24 લોકો ગંભીર રીતે ઘાયલ છે. મળતી માહિતી અનુસાર આ દુર્ઘટના સીતામઢીમાં એનએચ-77 પર ધર્મપુર ચોકની નજીક થયો હતો. જ્યાં એક અનિયંત્રીત બોલેરો કારે વિદ્યાર્થીઓને કચડી નાખ્યા હતા, જેમાં 9 બાળકોનાં મોત નિપજ્યા હતા. જ્યારે ડઝનથી વધારે બાળકોની પરિસ્થિતી હજી પણ ગંભીર છે. દુર્ઘટના સમયે તમામ બાળકો ગ્રામીણ શાળામાં ભણીને પરત ફરી રહ્યા હતા.