ભિખારી સમજીને જેને ભોજન કરાવ્યું, હકીકત જાણીને લોકોની આંખો ફાટી ગઈ

રાયબરેલી: રસ્તાઓ પર ભોજનની તલાશમાં ભટકતા એક ભિખારીને ખાવાનું આપવામાં આવ્યું.  તેને નવડાવવામાં આવ્યો, ત્યારે ખબર પડી કે જેને ભિખારી સમજીને તેઓ સેવા કરી રહ્યા હતાં તે કોઈ ભિખારી નહીં પરંતુ તામિલનાડુના કરોડપતિ કારોબારી છે. તેમની પાસેથી આધાર કાર્ડ અને એક કરોડથી વધુની એફડીના દસ્તાવેજો મળી આવ્યાં. કારોબારીની આ દયનીય હાલત પર તેમના પરિજાનોની શોધખોળ કર્યા પછી તેમની પુત્રીને સોંપણી કરી દેવામાં આવી. પુત્રી ગીતાએ જણાવ્યું કે તેમના પિતા છેલ્લા છ મહિનાથી ગુમ હતાં. તેઓ ટ્રેન દ્વારા તીર્થયાત્રા પર નિકળ્યા હતાં  પરંતુ ત્યારબાદથી તેમનો કોઈ પત્તો ન હતો. 

મળતી માહિતી મુજબ રાયબરેલીના રાલપુર સ્થિત સ્વામી સૂર્ય પ્રબોધ પરમહંસ ઈન્ટર કોલેજ અનગપુરમમાં ગત 13 ડિસેમ્બરના રોજ એક વૃદ્ધ પહોંચ્યાં. તેમને જોઈને લાગતું હતું કે તેઓ કેટલાય દિવસોથી ભૂખ્યા હતાં. તેમની હાલત ખુબ જ દયનીય હતી. શાળાના સંસ્થાપક સ્વામી ભાસ્કર સ્વરૂપજીએ  તે ભિખારીના ભોજનની વ્યવસ્થા કરી. ભોજન કરાવ્યાં બાદ વૃદ્ધના વાળ કાપવામાં આવ્યાં, તેમને નવડાવવામાં આવ્યાં અને પહેરવા માટે નવા કપડાં અપાયા. વૃદ્ધના ગંદા કપડાને જ્યારે સાફ કરવાની કોશિશ કરવામાં આવી રહી હતી ત્યારે જ  તેમાથી આધાર કાર્ડ અને એફડીના કાગળો અને એક ચાવી મળી. કર્મચારીઓએ જોયુ તો તે એફડીની કિંમત એક કરોડ 7 લાખ રૂપિયા હતી. આ વાતની તરત સ્વામીજીને જાણ કરાઈ. વૃદ્ધનું આધારકાર્ડ પણ જોયું તો તેમની ઓળખ તામિલનાડુના થિરુવનાવલી નિવાસી મુથૈયા નાદર તરીકે થઈ. 

આધારકાર્ડમાં નોંધવામાં આવેલા નંબર પરવૃદ્ધના પરિજનોનો સંપર્ક કરવામાં આવ્યો. સૂચના મળતા જ તામિલનાડુથી તેમના પરિજનો આવી ગયા. તેમણે જણાવ્યું કે મુથૈયા જુલાઈ મહિનામાં તીર્થયાત્રા પર નિકળ્યા હતાં. ત્યારથી તેઓ લાપત્તા હતાં. પરિજનોએ આશંકા વ્યક્ત કરી કે તેઓ ગેંગના કાવતરાનો ભોગ બન્યાં હોવા જોઈએ,. પરિજનોએ સ્વામીજીનો આભાર માન્યો અને ફ્લાઈટથી તેમને તામિલનાડુ લઈ ગયાં.