યુક્રેનમાં ભારતીય વિદ્યાર્થીઓ સાથે મારપીટ, રાહુલ ગાંધીએ વીડિયો શેર કરીને કહી આ વાત

નવી દિલ્હી: યુક્રેનમાં ફસાયેલા ભારતીય વિદ્યાર્થીઓ સાથે મારપીટના અહેવાલ આવી રહ્યા છે. સોશિયલ મીડિયા પર એક વીડિયો ઝડપથી વાયરલ થઈ રહ્યો છે જેમાં યુક્રેનના સૈનિકો વિદ્યાર્થીઓ સાથે મારપીટ કરતા જોવા મળી રહ્યા છે. કોંગ્રેસ નેતા રાહુલ ગાંદીએ પણ વીડિયો શેર કરીને કેન્દ્ર સરકાર પર નિશાન સાધ્યું છે. તેમણે કહ્યું કે આપણે આપણા નાગરિકોને આ રીતે છોડી શકીએ નહીં. 

સરકાર શેર કરે પ્લાન
રાહુલ ગાંધીએ પોતાની ટ્વીટમાં લખ્યું છે કે મારી સંવેદનાઓ તે મેડિકલ વિદ્યાર્થીઓ અને વિદ્યાર્થીનીઓ સાથે છે. જે આ હિંસામાંથી પસાર થઈ રહ્યા છે. કોઈ માતા પિતાએ આ પીડામાંથી પસાર થવું જોઈએ નહીં. ભારત સરકારે તેમને ત્યાંથી કાઢવા માટે તત્કાળ પ્લાન શેર કરવો જોઈએ. સરકારે આ પ્લાન તે વિદ્યાર્થીઓને પણ જણાવવો જોઈએ. આ સાથે જ તેમના માતા પિતા સાથે પણ શેર કરવો જોઈએ. આપણે આપણા નાગરિકોને આ રીતે છોડી શકીએ નહીં. 

My heart goes out to the Indian students suffering such violence and their family watching these videos. No parent should go through this.

GOI must urgently share the detailed evacuation plan with those stranded as well as their families.

We can’t abandon our own people. pic.twitter.com/MVzOPWIm8D

— Rahul Gandhi (@RahulGandhi) February 28, 2022

અભિયાનમાં આવી રહી છે મુશ્કેલીઓ
મોદી સરકાર યુક્રેનમાં ફસાયેલા ભારતીયોને બહાર કાઢવા માટે અભિયાન ચલાવી રહી છે. પરંતુ  સરકારને આ અભિયાનમાં અનેક મુશ્કેલીઓ આવી રહી છે. અનેક વિદ્યાર્થીઓ બોર્ડર પર અટકેલા છે. સરકાર તેમના સુધી પહોંચવાની કોશિશ કરી રહી છે. પરંતુ રશિયન સેના દ્વારા થઈ રહેલી બોમ્બવર્ષાના કારણે આ કામ મુશ્કેલ બન્યું છે. જ્યારે પોલીન્ડ જઈ રહેલા વિદ્યાર્થીઓની ટુકડી પર હુમલાની ખબર છે. વિદ્યાર્થી ફતેહાબાદના રહીશ છે. રિપોર્ટ્સ મુજબ મારપીટમાં એક વિદ્યાર્થીનો હાથ પણ ભાંગી ગયો છે. 

આ કારણે નારાજ છે યુક્રેન
પ્રધાનમંત્રી નરેન્દ્ર મોદી પાસે મદદની અપીલ કરતા ફતેહાબાદની એક વિદ્યાર્થીનીએ વીડિયો બહાર પાડ્યો છે. હુમલાનો ભોગ બનેલી ભારતીય વિદ્યાર્થનીનું કહેવું છે કે હુમલો કરનારા યુક્રેની સૈનિકો હતા અને ભારત દ્વારા યુદ્ધમાં યુક્રેનનો સાથ ન આપવા બદલ તેઓ ગુસ્સો વ્યક્ત કરી રહ્યા હતા. આ બાજુ મધ્ય પ્રદેશના રાયસેનની એક વિદ્યાર્થીનીએ પણ યુક્રેની સૈનિકોની ગેરવર્તણૂંકનો વીડિયો જારી કર્યો છે. અકળાયેલા સૈનિકો ફક્ત યુક્રેનના લોકોને જ જવા દે છે. બોર્ડર પર ભારતીય વિદ્યાર્થીઓ-વિદ્યાર્થીનીઓની બેદર્દીથી પીટાઈ કરી રહ્યા છે.