બાઇક ચલાવતી વખતે પાછળની સીટ પર બેઠેલી વ્યક્તિ સાથે વાત કરશો તો થશે સજા! સરકાર નવો નિયમ લાવી

Bike Safety Rules Kerala: એક ઓનલાઈન રિપોર્ટ અનુસાર રોડ સુરક્ષા વધારવાના ઉદ્દેશ્યથી પગલું ભરતા કેરલ મોટર વાહન વિભાગે બાઇક રાઇડર્સને ટાર્ગેટ કરતા એક નવો નિયમ રજૂ કર્યો છે, જે અનુસાર હવે બાઇકની પાછળની સીટ પર બેઠેલ રાઇડર સાથે વાતચીત કરવી ગુનો છે. રોડ અકસ્માતને ઘટાડવાના ઉદ્દેશ્યથી આ નિર્દેશ આ પ્રકારથી ધ્યાન ભટકાવનાર વ્યવહારોથી ઉભા થનાર જોખમને ઉજાગર કરે છે. આ નિર્દેશનું ઉલ્લંઘન કરવા પર વિષિષ્ટ દંડનો ખુલાસો કરવામાં આવ્યો નથી, પરંતુ તેનો ઉદ્દેશ સ્પષ્ટ છે કે તેનાથી બાઇક રાઇડરનું ધ્યાન ન ભટકે અને રોડ અકસ્માતમાં ઘટાડો કરી શકાય.

શું છે નિર્દેશ
સૂચનો અનુસાર, પિલિયન રાઇડર સાથે વાત કરતી વખતે રાઇડર્સ ફોકસ ગુમાવી શકે છે, જે નિર્ણય લેવામાં અને વિલંબિત પ્રતિભાવ સમયને અસર કરી શકે છે. આ વિક્ષેપ રસ્તાની ગંભીર સ્થિતિ અને ટ્રાફિકના સંજોગોમાંથી ધ્યાન હટાવી શકે છે, અકસ્માતોની સંભાવનાને વધારી શકે છે.

ટૂ-વ્હીલર ચલાવતા સમયે પાછળ બેઠેલી વ્યક્તિ સાથે વાત કરવી જોખમભર્યું હોઈ શકે છે કારણ કે તેનાથી સવારનું ધ્યાન રસ્તા પરથી હટી જાય છે, જેનાથી રિસ્પોન્સ ટાઇમ ઘટી શકે છે અને સ્થિતિને લઈને અવેરનેસ ઘટી શકે છે. આ સ્થિતિને કારણે ચાલક જરૂરી ટ્રાફિક સિગ્નલ, ચાલી રહેલ યાત્રી કે હર્ડલને મિસ કરી શકે છે, જેનાથી અકસ્માતની સંભાવના વધી જાય છે. 

આ પણ વાંચોઃ બજેટ 2024: રાજનાથ બાદ શિવરાજને મળ્યા સૌથી વધારે રૂપિયા, જાણો કોના ભાગે શું આવ્યું?

આ સિવાય વાતચીતમાં સામેલ થવા માટે હંમેશા માથુ હલાવવું કે પોઝીશન સેટ કરવાનું સામેલ હોઈ છે, જે બાઇકને વધુ અસ્થિર કરી શકે છે અને સવારીનું નિયંત્રણ ઘટાડી શકે છે, ખાસ કરી હાઈ સ્પીડ પર કે ભારે ટ્રાફિકમાં. રિપોર્ટમાં આગળ કહેવામાં આવ્યું છે કે જોઈન્ટ ટ્રાન્સપોર્ટ કમિશનર કે મનોજ કુમારે આરટીઓને આ વ્યાવહારના કોઈપણ મામલા વિરુદ્ધ તત્કાલ કાર્યવાહીનો આગ્રહ કર્યો છે. પરંતુ અધિકારી આ વાતને લઈને અસમંજસમાં છે કે આ નિર્દેશને કઈ રીતે લાગૂ કરવામાં આવે.