UP TET પરીક્ષાના મામલા પર CM યોગીનું કડક વલણ, પેપર લીક કરનારની સંપત્તિ થશે જપ્ત

UP TET Exam Paper Leak Case: મુખ્યમંત્રી યોગી આદિત્યનાથે કહ્યુ કે, આપણા ભાઈ-બહેનોના ભવિષ્ય સાથે ચેડા કરનારને સજા જરૂર મળશે. તેમને કોઈપણ કિંમતે છોડવામાં આવશે નહીં. 

Updated By: Nov 28, 2021, 04:26 PM IST
UP TET પરીક્ષાના મામલા પર CM યોગીનું કડક વલણ, પેપર લીક કરનારની સંપત્તિ થશે જપ્ત

લખનઉઃ ઉત્તર પ્રદેશ (Uttar Pradesh) ના મુખ્યમંત્રી યોગી આદિત્યનાથ (Yogi Adityanath) UP TET પરીક્ષાના પેપર લીકના મામલામાં (Paper Leak Case) કડક વલણ અપનાવ્યું છે. મુખ્યમંત્રી યોગીએ કહ્યુ કે, UP TET નું પેપર લીક કરનાર વિરુદ્ધ ગેંગસ્ટર એક્ટ (Gangster Act) હેઠળ કાર્યવાહી કરવામાં આવશે. તેની સંપત્તિ પણ જપ્ત કરવામાં આવશે. મહત્વનું છે કે આજે (રવિવારે) UP TET ની પરીક્ષા યોજાવાની હતી પરંતુ તે પહેલા પેપર લીક થઈ ગયું હતું. UP TETનું પેપર વોટ્સએપ પર વાયરલ થઈ ગયું હતું. ત્યારબાદ પરીક્ષા રદ્દ કરવામાં આવી છે. આશરે 21 લાખ ઉમેદવારો UP TET ની પરીક્ષામાં સામેલ થવાના હતા. 

દોષિતો વિરુદ્ધ કડક કાર્યવાહી થશેઃ યોગી
મુખ્યમંત્રી યોગીએ ટ્વીટ કરી કહ્યુ- 'UP TET નું પેપર લીક કરનાર ગેંગની ધરપકડ કરવાનો આદેશ આપવામાં આવી ચુક્યો છે. દોષિતોની ઓળખ કરી ત્વરિત કાર્યવાહી કરવામાં આવી રહી છે. દોષિતો વિરુદ્ધ ગેંગસ્ટર એક્ટ હેઠળ કાર્યવાહી કરી તેની સંપત્તિ જપ્ત કરવામાં આવશે.'

જવાબદાર લોકોને સજા જરૂરીઃ મુખ્યમંત્રી
મુખ્યમંત્રી યોગીએ એક અન્ય ટ્વીટમાં લખ્યુ- 'આપણા નવજવાન ભાઈઓ-બહેનોના ભવિષ્ય સાથે ચેડા કરનારને કોઈપણ કિંમતે છોડવામાં આવશે નહીં. બધાને થયેલી અસુવિધા માટે જવાબદાર લોકોને સજા જરૂર મળશે. તમારી સરકાર શાંતિપૂર્ણ અને પારદર્શી રીતે પરીક્ષા પૂર્ણ કરાવવા માટે પ્રતિબદ્ધ છે.'

ઉમેદવારો પાસે કોઈ વધારાનો ચાર્જ લેવામાં આવશે નહીં
મુખ્યમંત્રીએ અન્ય એક ટ્વીટમાં લખ્યુ કે, UP TET ના ઉમેદવારોની સાથે પ્રદેશ સરકાર ઉભી છે. 1 મહિનાની અંદર પારદર્શી રીતે બીજીવાર પરીક્ષાનું આયોજન થશે. કોઈપણ ઉમેદવાર પાસે વધારાનો ચાર્જ લેવામાં આવશે નહીં. પરીક્ષા આપનાર ઉમેદવારોને આવવા-જવા માટે સરકારી બસોમાં ફ્રી યાત્રાની સુવિધા આપવામાં આવશે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube