Nails Cleaning: નખ ગંદા અને કાળા થઈ ગયા છે? ફોલો કરો આ ટીપ્સ, મિનિટોમાં ચમકી જશે નેઈલ્સ

How To Make Your Nails Shiny: આપણા હાથ અને આંગળીઓની જેમ નખ પણ શરીરનો એક મહત્વપૂર્ણ ભાગ છે, તે સુંદરતામાં વધારો કરે છે. તેથી જ મોટાભાગની મહિલાઓ સમયસર નેલ કટિંગ અને મેનીક્યોર કરાવતી હોય છે. પરંતુ વારંવાર હાથ તથા નખની સાજસંભાળ કરાવવી માત્ર મોંઘી જ નથી, પરંતુ તેનાથી નખને ઘણું નુકસાન પણ થાય છે અને તેની ચમક પણ ઓછી થવા લાગે છે. ચાલો જાણીએ કે આપણે ઘરે નખની ચમક કેવી રીતે જાળવી શકીએ.

નખને હંમેશા કાળજીની જરૂર હોય છે, જો તેની કાળજી લેવામાં ન આવે તો તેઓ તેમની ચમક ગુમાવવા લાગે છે અને ચેપ લાગવાનું જોખમ પણ રહે છે. ચાલો જાણીએ કે તમે ઘરે બેસીને કેવી રીતે સરળતાથી તમારા નખને ચમકદાર બનાવી શકો છો. જો તમે નીચે લખેલા ઉપાયોનું પાલન કરશો તો તમારે પાર્લર જઈને હજારો રૂપિયા ખર્ચવાની જરૂર નહીં પડે.

1. હૂંફાળા પાણીથી નખ સાફ કરવા
નખ સાફ કરવા માટે, સૌ પ્રથમ પાણીને થોડું ગરમ ​​કરો, પછી આ નવશેકું પાણીને એક વાસણમાં લો જેમાં તમારી બધી આંગળીઓ બોળી શકાય. હવે તેમાં નખ પલાળી દો. 5 થી 10 મિનિટ રાહ જોયા પછી બહાર કાઢો. કેટલાક લોકો હૂંફાળા પાણીમાં ગુલાબ, લીંબુ અને હળવો શેમ્પૂ પણ એડ કરતા હોય છે.

2. તેલની મદદથી નખ સાફ કરો
તમે વાળ માટે તેલનો ઘણો ઉપયોગ કર્યો હશે, પરંતુ તેનો ઉપયોગ નખને સાફ કરવા અને પોલીશ કરવા માટે પણ કરી શકાય છે. તે નખ માટે વરદાનથી ઓછું નથી. તેનાથી નખ મોઈશ્ચરાઈઝ થાય છે. જો તમે નિયમિતપણે નખ પર તેલની માલિશ કરશો તો તેનાથી કુદરતી ચમક પાછી આવશે અને નખની વચ્ચે ફસાયેલી ગંદકી પણ દૂર થશે. આ માટે તલનું તેલ અને લવંડર ઓઇલ ખૂબ ઉપયોગી થઈ શકે છે.

(Disclaimer: અહીં આપેલી માહિતી ઘરગથ્થુ ઉપચાર અને સામાન્ય માહિતી પર આધારિત છે. તેને અપનાવતા પહેલા, નિષ્ણાતોની સલાહ લો. ZEE24KALAK આની પુષ્ટિ કરતું નથી.)