IRCTC Thailand Tour Package: થાઈલેન્ડની આવી ઓફર ફરી નહીં મળે, ગુજરાતીઓ થઈ જાઓ તૈયાર

IRCTC Thailand Tour Package: ઉનાળાની ગરમીમાં જો તમે થાઈલેન્ડ જવાનું પ્લાનિંગ કરી રહ્યા છો, તો IRCTCના આ પેકેજ વિશે જાણી લો, જેમાં તમને હોટેલ, ખાવાનું બધું જ મળી જશે. જેમાં તમે બેંગકોક, થાઈલેન્ડ, પટાયા ફરી શકો છો. ઉનાળાની રજાઓ આવતાં જ દરેક જણ પ્રવાસનું આયોજન શરૂ કરે છે પરંતુ વિઝા ન મળવાને કારણે આપણે બધા રજાઓ રદ કરીને ઘરે બેસી જઈએ છીએ. એટલું જ નહીં, પ્લાન કેન્સલ થવા પાછળ પૈસા પણ મુખ્ય કારણ છે.

જ્યારે બજેટ વધી જાય છે ત્યારે આપણે વિદેશ પ્રવાસનું સપનું છોડી દઈએ છીએ. પરંતુ કદાચ હવે તમારી ઈચ્છા પૂરી થઈ શકે છે, હા, ઈન્ડિયન રેલ્વે કેટરિંગ એન્ડ ટુરિઝમ કોર્પોરેશન (Indian Railway Catering and Tourism Corporation – IRCTC)  થાઈલેન્ડનું અદ્ભુત ટૂર પેકેજ લઈને આવ્યું છે. આ પેકેજ તમારા બજેટ પ્રમાણે છે અને તે મુસાફરીના હિસાબે ઘણું સસ્તું પણ હશે. એટલું જ નહીં, અહીં વિઝા મેળવવામાં કોઈ સમસ્યા નથી, કારણ કે અહીં ભારતીયો માટે વિઝા ઓન અરાઈવલનો વિકલ્પ ઉપલબ્ધ છે. આવો જાણીએ આ પેકેજ વિશે.

થાઈલેન્ડમાં વિઝા ઓન એરાઈવલ : થાઈલેન્ડમાં ભારતીયો માટે વિઝા ઓન અરાઈવલ વિકલ્પ ઉપલબ્ધ છે. એટલે કે હવે તમારે અગાઉથી વિઝા સાથે રાખવાની જરૂર નથી. જ્યારે તમે થાઈલેન્ડના એરપોર્ટ પર જાઓ છો, ત્યારે તમારે ત્યાં વિઝા ફી ચૂકવવાની રહેશે અને તે તમારા પાસપોર્ટ પર વીઝા મળી જશે.

બેંગકોક ટુર પેકેજ : IRCTCના થાઈલેન્ડ ટૂર પેકેજ બેંગલુરુથી શરૂ થશે.  IRCTCની આ વેબસાઈટ મુજબ, જો એક વ્યક્તિ મુસાફરી કરે છે તો તમારે 55,900 રૂપિયા ચૂકવવા પડશે, જો બે લોકો પ્રવાસ કરે છે તો વ્યક્તિએ 47,750 રૂપિયા ચૂકવવા પડશે. જો ત્રણ લોકો ટૂર પેકેજ લે છે, તો તે વ્યક્તિ દીઠ 47,750 રૂપિયા હશે. જો બાળકો માટે અલગ બેડ લેવામાં આવે તો દરેક બાળક માટે 45,650 રૂપિયા ચૂકવવા પડશે. જો તમારું બાળક નાનું છે અને તેને અલગ બેડ જોઈતો નથી, તો તેણે 37,250 રૂપિયા ચૂકવવા પડશે. જો તમે વધુ માહિતી મેળવવા માંગતા હો, તો તમે સત્તાવાર વેબસાઇટ https://irctctourism.com/ ની મુલાકાત લઈ શકો છો.

આ સુવિધાઓ પણ ઉપલબ્ધ થશે : તમને બેંગ્લોરથી બેંગકોક સુધીની ફ્લાઇટની સુવિધા આપવામાં આવશે. ટૂર પેકેજમાં ફ્લાઇટ, હોટેલ અને ફૂડ ખર્ચનો સમાવેશ થાય છે. તમે જે પણ અંગત ખર્ચો કરશો તમારે તે જાતે જ ઉઠાવવો પડશે. આ ટૂર પેકેજમાં લોકલ મુસાફરી માટે બસની સુવિધા પણ આપવામાં આવશે. બાકીની માહિતી તમે વેબસાઈટ પરથી મેળવી શકો છો. IRCTC તમારા માટે થાઈલેન્ડનું 4 રાત અને 5 દિવસનું ટૂર પેકેજ લાવે છે. આ પેકેજમાં થાઈલેન્ડ, બેંગકોક અને પટાયા પણ બતાવવામાં આવશે. તમને અહીં માટે સ્થાનિક પ્રવાસ પણ આપવામાં આવશે.

થાઈલેન્ડ સસ્તું થઈ ગયું છે : થાઇલેન્ડ ફરવા માટે ખૂબ જ સસ્તું છે, અને અન્ય દેશોની સરખામણીમાં અહીં મુસાફરી કરવા માટે વધુ ખર્ચ થતો નથી. સારી વાત એ છે કે અહીં ભારતીયોને વિઝાનું ટેન્શન લેવાની પણ જરૂર નથી, તમે અહીં આવ્યા પછી પણ વિઝા ઓન અરાઈવલ લઈ શકો છો. જો તમે સસ્તા ટૂર પેકેજ શોધી રહ્યા છો, તો તમે આ પેકેજને તમારી યાદીમાં સામેલ કરી શકો છો.