Vastu Tips: વાસ્તુ અનુસાર ઘરમાં રાખો સાવરણી, જીવનમાં ક્યારેય આર્થિક તંગીનો સામનો નહીં કરવો પડે

Vastu Tips: વાસ્તુશાસ્ત્રમાં દિશાઓને ખૂબ મહત્વ આપવામાં આવ્યું છે. જો તમે તમારા ઘરની દરેક વસ્તુને વાસ્તુશાસ્ત્ર અનુસાર ગોઠવો છો તો ઘરમાં સકારાત્મક ઉર્જાનો વાસ રહે છે. તેવી જ રીતે વાસ્તુશાસ્ત્રમાં સાવરણી સંબંધિત ઘણા નિયમોનું વર્ણન કરવામાં આવ્યું છે. હિન્દુ ધર્મમાં સાવરણીને ધનની દેવી લક્ષ્મીનું પ્રતિક માનવામાં આવે છે. જો તમે ઘરમાં સાવરણી રાખવાના વાસ્તુ નિયમોનું પાલન કરો છો, તો ઘર ધનથી ભરેલું રહે છે. આજે તમને જણાવીએ સાવરણી સંબંધિત કેટલાક જરૂરી વાસ્તુ નિયમો.

સાવરણી રાખવાના નિયમો

આ પણ વાંચો: Guruwar Upay: ગુરુવારે કરો ચમત્કારી ઉપાય, ભગવાન વિષ્ણુની કૃપાથી આર્થિક સંકટ થશે દુર

વાસ્તુશાસ્ત્ર અનુસાર સાવરણી હંમેશા દક્ષિણ અને પશ્ચિમની વચ્ચેની દિશામાં રાખવી શુભ માનવામાં આવે છે. ધ્યાન રાખો કે સાવરણી ક્યારેય ઊભી ન રાખવી જોઈએ. સાવરણી હંમેશા આડી જ રાખો.  રસોડામાં સાવરણી ક્યારેય ન રાખવી જોઈએ. વાસ્તુના આ નિયમોનું પાલન કરવાથી દેવી લક્ષ્મી હંમેશા તમારા પર પ્રસન્ન રહે છે.

આ બાબતોનું ધ્યાન રાખો

વાસ્તુ અનુસાર તૂટેલી સાવરણી ક્યારેય ઘરમાં ન રાખવી જોઈએ. તેનાથી ઘરમાં ગરીબી આવે છે. આ સાથે ક્યારેય સાવરણી પર પગ ન લગાવો. સાંજે ક્યારેય ઘરમાં ઝાડુ ન મારવું જોઈએ. આવું કરવાથી ધનની દેવી લક્ષ્મી તમારાથી નારાજ થાય છે.  

આ પણ વાંચો: જાણો કઈ રાશિના લોકો ગુસ્સો કરવામાં હોય નંબર વન, નાની-નાની વાત પર કરી બેસે છે ઝઘડો

સાવરણી ક્યારે ખરીદવી

વાસ્તુશાસ્ત્ર અનુસાર જો તમે નવી સાવરણી ખરીદવા માંગતા હોવ તો અમાસ, મંગળવાર, શનિવાર અને રવિવાર ખૂબ જ શુભ માનવામાં આવે છે. સોમવાર અને શુક્લ પક્ષમાં ઝાડુ ખરીદવાથી નુકસાન થાય છે. આમ કરવાથી પરિવારના સભ્યોને આર્થિક સંકટનો સામનો કરવો પડે છે. 

(Disclaimer: અહીં આપેલી માહિતી સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)