Pukharaj: ધન લાભની સાથે બીમારીઓથી મુક્તિ અપાવે છે પોખરાજ, જાણો તેને પહેરવાથી થતા લાભ વિશે
Topaz Benefits: તમારા જીવનમાં જો આર્થિક સમસ્યાઓ હોય તો તેના માટે પોખરાજ રત્ન ઉત્તમ ગણાય છે. પોખરાજ પહેરવાથી આર્થિક લાભ તો થાય જ છે પરંતુ અનેક પ્રકારના રોગોથી પણ રાહત મળે છે. તેને પહેરનાર વ્યક્તિનો આત્મવિશ્વાસ પણ વધે છે.
Trending Photos
- 5
- 7
- 5
- 4
)
Topaz Benefits: રત્નોની દુનિયા ખૂબ જ રહસ્યમયી અને વિશાળ છે. આપણે ત્યાં વિવિધ પ્રકારના રત્નો મળે છે અને તેનાથી થતા લાભ તમને આશ્ચર્યચકિત કરી શકે છે. કોઈપણ રત્ન ધારણ કરતા પહેલા તમારે ધ્યાનમાં રાખવું જોઈએ કે તમે કયા ગ્રહને મજબૂત કરવા માટે કયો રત્ન ધારણ કરી શકો છો. ગ્રહની સ્થિતિ મજબૂત કરવા ઉપરાંત તમે તમારા જીવનની સમસ્યાનો ઉકેલ લાવવા માટે પણ રત્ન ધારણ કરી શકો છો. તમારા જીવનમાં જો આર્થિક સમસ્યાઓ હોય તો તેના માટે પોખરાજ રત્ન ઉત્તમ ગણાય છે. પોખરાજ પહેરવાથી આર્થિક લાભ તો થાય જ છે પરંતુ અનેક પ્રકારના રોગોથી પણ રાહત મળે છે. તેને પહેરનાર વ્યક્તિનો આત્મવિશ્વાસ પણ વધે છે.
પોખરાજ પહેરવાના ફાયદા
પોખરાજ પહેરે તે લોકોમાં આત્મવિશ્વાસ જાગૃત થાય છે. આ રત્નનો ઉપયોગ ગુસ્સો શાંત કરવા માટે પણ થાય છે. ઘણા લોકોને ખરાબ સપના વધારે આવતા હોય છે. આવી મુશ્કેલીમાં રહેતા વ્યક્તિને પણ પોખરાજ પહેરવાની સલાહ આપવામાં આવે છે. એવું માનવામાં આવે છે કે પોખરાજ પહેર્યા પછી વ્યક્તિને આવા ભયાનક સપનાથી મુક્તિ મળે છે. કેટલાક લોકો પોખરાજ આકર્ષણ વધારવા માટે પણ ધારણ કરે છે.
જો કોઈ વ્યક્તિ અતિશય ઈર્ષ્યાળુ હોય તો તેણે પણ પોખરાજ પહેરવો જોઈએ. જે વ્યક્તિ રોગ અથવા નકારાત્મક ઉર્જાથી પીડાતો હોય અથવા મેલીવિદ્યાનો પ્રભાવ દુર કરવો હોય તેણે પણ પોખરાજ પહેરવો જોઈએ. પોખરાજ પહેરવાથી આવી સમસ્યાઓથી રાહત મળે છે. જે રીતે મહાકાલના દર્શન કરનારાઓ અકાળ મૃત્યુના ભયથી મુક્ત થાય છે તેવી જ રીતે પોખરાજ ધારણ કરનારાઓ અકાળ મૃત્યુથી સુરક્ષિત રહે છે.
જો કે પોખરાજ રત્ન તેનાથી થતા લાભ મેળવવા પહેરવો હોય તો સૌથી પહેલા રત્નના જાણકાર વ્યક્તિની સલાહ લેવી. પોખરાજ વ્યક્તિને અનુકૂળ છે કે નહીં તે જાણ્યા બાદ જ આ રત્ન ધારણ કરવો જોઈએ.
(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
