શું આ ખતરનાક ખેલાડીઓનું ટેસ્ટ કરિયર થઈ ગયું પુરું? કેમ ઉતરી ગયા છે બધાના ચહેરા? શું બધા દરવાજા થઈ ગયા બંધ?

ટીમ ઈન્ડિયામાં ઘણા એવા ખેલાડી છે, જેમનું ટેસ્ટ ક્રિકેટ જોખમમાં હોય તેવું લાગી રહ્યું છે. તેના સ્થાને ઘણા યુવા ખેલાડીઓએ ભારતીય ટીમમાં પોતાનું સ્થાન નિશ્ચિત કર્યું છે. આવી સ્થિતિમાં આ દિગ્ગજ ખેલાડીઓની વાપસી અશક્ય લાગી રહી છે. ભારતીય ક્રિકેટ ટીમ સાથે રમવાનું દરેકનું સપનું હોય છે. ઘણા ઓછા એવા ખેલાડીઓ છે જે ત્રણેય ફોર્મેટમાં ટીમ ઈન્ડિયા માટે રમતા જોવા મળે છે.

Updated By: Dec 5, 2021, 04:02 PM IST
શું આ ખતરનાક ખેલાડીઓનું ટેસ્ટ કરિયર થઈ ગયું પુરું? કેમ ઉતરી ગયા છે બધાના ચહેરા? શું બધા દરવાજા થઈ ગયા બંધ?

નવી દિલ્હીઃ ટીમ ઈન્ડિયામાં ઘણા એવા ખેલાડી છે, જેમનું ટેસ્ટ ક્રિકેટ જોખમમાં હોય તેવું લાગી રહ્યું છે. તેના સ્થાને ઘણા યુવા ખેલાડીઓએ ભારતીય ટીમમાં પોતાનું સ્થાન નિશ્ચિત કર્યું છે. આવી સ્થિતિમાં આ દિગ્ગજ ખેલાડીઓની વાપસી અશક્ય લાગી રહી છે. ભારતીય ક્રિકેટ ટીમ સાથે રમવાનું દરેકનું સપનું હોય છે. ઘણા ઓછા એવા ખેલાડીઓ છે જે ત્રણેય ફોર્મેટમાં ટીમ ઈન્ડિયા માટે રમતા જોવા મળે છે. યુવા ખેલાડીઓએ આઈપીએલ અને ડોમેસ્ટિક ક્રિકેટમાં શાનદાર પ્રદર્શન કરીને ટીમ ઈન્ડિયામાં પોતાનું સ્થાન નિશ્ચિત કર્યું છે. આવી સ્થિતિમાં ઘણા દિગ્ગજ ખેલાડીઓની ટેસ્ટ કારકિર્દી જોખમમાં હોય તેવું લાગી રહ્યું છે. ચાલો જાણીએ આ ખેલાડીઓ વિશે.

શિખર ધવન (Shikhar Dhawan):
શિખર ધવન એક સમયે ભારતીય ટીમના બેટિંગ ઓર્ડરનો મજબૂત કરોડરજ્જુ હતો, પરંતુ આ દિગ્ગજ બેટ્સમેન 2018થી ટેસ્ટ ક્રિકેટમાંથી બહાર ચાલી રહ્યો છે. ધવન પછી KL રાહુલ અને મયંક અગ્રવાલે ભારત માટે ઘણી મેચ-વિનિંગ ઈનિંગ્સ રમી છે અને ટીમ ઈન્ડિયામાં પોતાનું સ્થાન કાયમી બનાવ્યું છે. ટી20 વર્લ્ડ કપમાં પણ ધવનની પસંદગી કરવામાં આવી ન હતી અને તે પછી તેને ન્યૂઝીલેન્ડ પ્રવાસમાંથી બહાર કરી દેવામાં આવ્યો છે. આવી સ્થિતિમાં ધવનની ટેસ્ટ ક્રિકેટમાં વાપસી મુશ્કેલીમાં મુકાઈ રહી છે. ધવને 2013માં ઓસ્ટ્રેલિયા સામે ભારત માટે ટેસ્ટ ડેબ્યૂ કર્યું હતું, પરંતુ આ સ્ટનર ક્યારેય પણ ભારતીય ટીમમાં પોતાની જગ્યા બનાવી શક્યો નહોતો. ધવને ટીમ ઈન્ડિયા તરફથી રમતા 34 ટેસ્ટ મેચમાં 2315 રન બનાવ્યા છે. પસંદગીકારો તેને ટેસ્ટ ક્રિકેટમાં વધારે તક આપી રહ્યા નથી.

અજિંક્ય રહાણે (Ajinkya Rahane):
ભારતના સ્ટાર બેટ્સમેન અજિંક્ય રહાણે એક સમયે ટીમ ઈન્ડિયા માટે ત્રણેય ફોર્મેટમાં રમ્યા હતા. છેલ્લા ઘણા સમયથી અજિંક્ય ટુંકા ફોર્મેટમાંથી ટીમ ઈન્ડિયાનો ભાગ નથી. રહાણેનું ઘણા વર્ષોથી તે એકપણ સદી ફટકારી શક્યો નથી. રહાણે ન્યુઝીલેન્ડ સામેની પ્રથમ ટેસ્ટ મેચમાં ફ્લોપ સાબિત થયો હતો. તેણે પ્રથમ દાવમાં 35 રન અને બીજા દાવમાં માત્ર 4 રન બનાવ્યા હતા. તેને બીજી ટેસ્ટ મેચમાં રમવાની તક મળી નથી. ઈંગ્લેન્ડના પ્રવાસમાં પણ તે રન બનાવવા માટે તડપતો રહ્યો છે. ઘણા યુવા ખેલાડીઓએ શાનદાર પ્રદર્શન કરીને ટીમ ઈન્ડિયામાં પોતાનું સ્થાન નિશ્ચિત કર્યું છે. આવી સ્થિતિમાં રહાણેની કારકિર્દી પર ગ્રહણ લાગી ગયું છે. રહાણેએ ભારતીય ટીમ માટે 79 ટેસ્ટ મેચમાં 4795 રન બનાવ્યા છે. તેણે 2013માં ઓસ્ટ્રેલિયા સામે ટેસ્ટ ડેબ્યૂ કર્યું હતું.

ભુવનેશ્વર કુમાર (Bhuvneshwar Kumar):
ટીમ ઈન્ડિયાનો સ્વિંગ બોલર ભુવનેશ્વર કુમાર છેલ્લા ત્રણ વર્ષથી ટીમ ઈન્ડિયાની ટેસ્ટ ટીમમાંથી બહાર ચાલી રહ્યો છે. ભુવનેશ્વર કુમારના બોલમાં હવે કોઈ ધાર નથી. તેઓ ખુબ જ મોંઘા સાબિત થઈ રહ્યા છે. ભુવી વિકેટ લેવા માટે સંઘર્ષ કરી રહ્યો છે. તેના સ્થાને મોહમ્મદ સિરાજ, નવદીપ સૈની અને પ્રખ્યાત કૃષ્ણા જેવા બોલરોએ ટીમ ઈન્ડિયામાં પોતાનું સ્થાન નિશ્ચિત કર્યું છે. હવે ભુવીની લાલ બોલની ક્રિકેટમાં વાપસી અશક્ય લાગી રહી છે.

ઈશાંત શર્મા  (Ishant Sharma):
ઈશાંત શર્માએ 2007માં બાંગ્લાદેશ સામે ટીમ ઈન્ડિયા માટે ટેસ્ટ ડેબ્યૂ કર્યું હતું. તેણે ભારત માટે 100 થી વધુ ટેસ્ટ મેચ રમી છે, પરંતુ હવે તેને વિકેટ નથી મળી રહી, તેની ઉંમર તેના પર પ્રભુત્વ જમાવી રહી છે. ટીમ ઈન્ડિયામાં સ્પર્ધા સતત વધી રહી છે. ઘણા યુવા બોલરોએ ટીમ ઈન્ડિયામાં પોતાનું સ્થાન નિશ્ચિત કરી લીધું છે. ન્યૂઝીલેન્ડ સામેની બીજી ટેસ્ટમાં ઈશાંતને બહારનો રસ્તો દેખાડવામાં આવ્યો છે, તેના સ્થાને યુવા ઝડપી બોલર મોહમ્મદ સિરાજને તક આપવામાં આવી છે. આવી સ્થિતિમાં ઈશાંત શર્માનું ટેસ્ટ ક્રિકેટ જોખમમાં હોય તેમ લાગી રહ્યું છે.