ENG vs IND: ઈંગ્લેન્ડે ત્રીજી ટેસ્ટ માટે ટીમ કરી જાહેર, આ શાનદાર બેટ્સમેનની થઈ વાપસી

નવી દિલ્હીઃ ઈંગ્લેન્ડે ત્રીજી ટેસ્ટ માટે ટીમની જાહેરાત કરી છે. ઈંગ્લેન્ડે ત્રીજી ટેસ્ટ માટે ડેવિડ મલાન અને સાકિબ મહમૂદને ટીમમાં સામેલ કરવામાં આવ્યો છે. ઈંગ્લેન્ડે ડોમ સિબ્લે, જેક લીચ, જેક ક્રાઉલીને ટીમમાંથી બહાર કરી દીધા છે. બુધવારે સાંજે ઈંગ્લેન્ડે ત્રીજી ટેસ્ટ મેચ માટે ટીમની જાહેરાત કરી છે. ઈંગ્લેન્ડે ઈજાગ્રસ્ત માર્ક વુડને પણ 15 સભ્યોની ટીમમાં તક આપી છે. 

33 વર્ષીય મલાન છેલ્લા બે વર્ષથી ઈંગ્લેન્ડની ટી20 ટીમનો મુખ્ય ખેલાડી રહ્યો છે. તે હાલના સમયમાં વિશ્વનો નંબર-1 ટી20 બેટ્સમેન છે. મલાનની ત્રણ વર્ષ બાદ ટેસ્ટ ટીમમાં વાપસી થઈ છે. મલાને છેલ્લે ભારત વિરુદ્ધ 2018માં ટેસ્ટ સિરીઝમાં ભાગ લીધો હતો. ખરાબ ફોર્મને કારણે તેને બહાર કરી દેવામાં આવ્યો હતો. 

We've named our squad for the third LV= Insurance Test match.

Welcome back @dmalan29 👋

— England Cricket (@englandcricket) August 18, 2021

સિબ્લેનું હાલનું પ્રદર્શન ખુબ ખરાબ રહ્યુ છે. ચાર ઈનિંગમાં તેનો સર્વોચ્ચ સ્કોર 28 રન હતો. ઓલી પોપ અને ડેન લોરેન્સને ટીમમાં તક મળી છે. પાંચ ટેસ્ટ મેચોની સિરીઝની ત્રીજી ટેસ્ટ મેચ 25 ઓગસ્ટથી લીડ્સમાં રમાશે. ઉલ્લેખનીય છે કે ભારતે લોર્ડ્સ ટેસ્ટમાં 151 રનથી જીત મેળવી પાંચ મેચોની સિરીઝમાં 1-0ની લીડ મેળવી લીધી છે. 

આ પણ વાંચોઃ વિરાટ કોહલી vs સચિન તેંડુલકરઃ 13 વર્ષ પૂરા થવા પર વનડેમાં કોણ છે આગળ, જાણો  

ત્રીજી ટેસ્ટ માટે ઈંગ્લેન્ડની ટીમઃ જો રૂટ (કેપ્ટન), મોઇન અલી, જેમ્સ એન્ડરસન, જોની બેયરસ્ટો, રોરી બર્ન્સ, જોસ બટલર, સેમ કરન, હસીબ હમીદ, ડેન લોરેન્સ, સાકિબ મહમૂદ, ડેવિડ મલાન, ક્રિગ ઓવરટન, ઓલી પોપ, ઓલી રોબિન્સન, માર્ક વુડ.