ICC Test Rankings: બેટ્સમેનમાં વિરાટ નંબર-1, ડિ કોકને થયો મોટો ફાયદો

નવી દિલ્હીઃ Latest ICC Test Rankings: વર્ષ 2019માં છેલ્લીવાર આંતરરાષ્ટ્રીય ક્રિકેટ કાઉન્સિલ (ICC)એ તાજા ટેસ્ટ રેન્કિંગની જાહેરાત કરી છે. આઈસીસી ટેસ્ટ રેન્કિંગમાં નંબર એક પર ભારતીય કેપ્ટન અને દમદાર બેટ્સમેન વિરાટ કોહલી છે. ન્યૂઝીલેન્ડ વિરુદ્ધ છેલ્લી બે ટેસ્ટ મેચોમાં ખરાબ પ્રદર્શન કરનાર સ્ટીવ સ્મિથે પોતાનું બીજુ સ્થાન યથાવત રાખ્યું છે. તો દક્ષિણ આફ્રિકાના વિકેટકીપર બેટ્સમેન ક્વિન્ટન ડિકોકે લાંબી છલાંગ લગાવી છે. 

ડાબા હાથના બેટ્સમેન ડિ કોકે ઈંગ્લેન્ડ વિરુદ્ધ ચાર મેચોની ટેસ્ટ સિરીઝના પ્રથમ મુકાબલામાં 100થી વધુ રન બનાવ્યા, જેથી તેને રેન્કિંગમાં મોટો ફાયદો થયો છે. ડિ કોક એકવાર ફરી ટેસ્ટ રેન્કિંગમાં ટોપ-10માં સામેલ થઈ ગયો છે. લેટેસ્ટ આઈસીસી ટેસ્ટ રેન્કિંગમાં ડિ કોક 10માં નંબર પર છે. આ મુકાબલા પહેલા તે 18માં સ્થાને હતો. આ રીતે આફ્રિકન બેટ્સમેનને આઠ સ્થાનનો ફાયદો થયો છે. 

🚨 RANKINGS UPDATE 🚨

With his enterprising 95 against 🏴󠁧󠁢󠁥󠁮󠁧󠁿, Quinton de Kock not only set up 🇿🇦's win, but also shot into the top 🔟 of the @MRFWorldwide ICC Test Rankings for batsmen! pic.twitter.com/oY5l7TuU7p

— ICC (@ICC) December 30, 2019

ઓસ્ટ્રેલિયા અને ન્યૂઝીલેન્ડ વચ્ચે રમાયેલી ત્રણ મેચોની ટેસ્ટ સિરીઝના બે મુકાબલા બાદ સ્ટીવ સ્મિથના 911 પોઈન્ટ છે. તો તો વિરાટ કોહલી 928 પોઈન્ટ સાથે પ્રથમ સ્થાને છે. માર્નસ લાબુશાને એક સ્થાનના ફાયદા સાથે ચોથા સ્થાને પહોંચી ગયો છે, જ્યારે ભારતીય ક્રિકેટર ચેતેશ્વર પૂજારાને એક સ્થાનનું નુકસાન થયું છે. પૂજારા પાંચમાં સ્થાને છે. 

Some good news for 🇳🇿 despite their big loss to 🇦🇺 in Melbourne with Neil Wagner's seven-wicket haul getting rewarded in the latest edition of the @MRFWorldwide ICC Test Rankings for bowlers. pic.twitter.com/EaKHNsfdh6

— ICC (@ICC) December 30, 2019

આઈસીસીના ટેસ્ટ રેન્કિંગમાં બોલરોની વાત કરીએ તો કીવી ટીમના ફાસ્ટ બોલર નીલ વેગનર બીજા સ્થાને પહોંચી ગયો છે, જ્યારે આફ્રિકાનો ફાસ્ટ બોલર રબાડા એક સ્થાનના નુકસાન સાથે ત્રીજા સ્થાને પહોંચી ગયો છે. ફિલાન્ડર 8માંથી 5માં સ્થાને પહોંચી ગયો છે. પરંતુ તે આ સિરીઝ બાદ ક્રિકેટને અલવિદા કરી દેશે. આ સિવાય અશ્વિન અને શમી ટોપ-10માં આવી ગયા છે. 

જુઓ LIVE TV